Skip to main content

Posts

Showing posts with the label రాజకీయం

నిద్ర లేవండి - నిజం చెప్పండి

మన సిమాంద్ర లో 7 మే 2014 న నూతన రాష్ట్ర నికి , అలాగే కేంద్ర ప్రభుత్వాన్ని ఎన్నుకునే ఎన్నికలు వస్తున్నాయి. ఈ బ్లాగు లోకం లో ఎంతో మంది రచయుతలు, మేధావులు ఎన్నో రకాల అంశాలపై వ్యాసాలూ రాస్తున్నారు. కామెంట్ల ద్వారా చాలా విషయాలపై అభిప్రాయాలు చెప్పుతున్నారు.  కొందరు మాత్రమె కుటిల రాజకీయాలపై ఆసక్తితో, పక్షపాత దోరణి తో బ్లాగు ముసుగులో ఓటర్లకు సలహాలు ఇస్తుంటే మరికొందరు ఆవేమి పట్టనట్టు మిన్నకుండి పోతున్నారు.  స్వాతంత్రం వచ్చి 67 ఏళ్ళు గడిచినా ఇంకా ఈ దేశం లో ఎవరికీ ఓటు వేయాలో , ఎటువంటి నాయకులను అధికార పీటం పై ఉంచాలో మనం తెలుసుకోలేక పోవటం శోచనీయం.  దొంగలు, దోపిడిదారులు, అవినీతి జలగలు, పుండాకోర్లు, దగాకోర్లు దర్జాగా మన ముందుకు ఓట్లు అడగటానికి వస్తున్నారు అంటే మనం ఎంతగా దిగజారి పోయి ఉన్నామో అర్ధం చేసుకోండి. స్వాతంత్రం వచ్చి ఆరు దశాబ్దాలు గడిచినా ఇంకా మనలో ఏమాత్రం చైతన్యం వచ్చినట్లు కనపడుటం లేదు. ప్రజలు బిచ్చగాళ్ళ వాలే మారారు. అవినీతి, లంచగొండి తనం రెండు కళ్ళు గా మారాయి.  ఇలాంటి తరుణం లో మనం స్పందించకుండా ఉంటె చెడు గెలిచే ప్రమాదం ఉంది. ఆతరువాత వగచి ప్రయోజనం ఉండదు. చెడ్డ వాడి దౌర...

ఆంద్ర పోతురాజులు

జాతరంటే బలే ఉత్సాహం. జాతరంటే ఒక సరదా. ఆంద్ర లో పొంగళ్ళు పేరుతో (తెలంగాణ లో బోనాళ్ళు ) చాలా గ్రామాలలో గ్రామ దేవతలకు(పోలేరమ్మ,మారెమ్మ,నాంచారమ్మ... etc.)  జరుగుతాయి. వీటినే జాతరలు/కొలుపులు అంటారు. ఈ జాతరలు తలదన్నేలా సిమాంద్ర లో మళ్లీ సమైఖ్య ఆంద్ర   పేరుతో 'జాతర' మొదలైంది. చేతులు కాలేక (గరిట/ హస్తం కాల్చి వాత పెట్టిన్చుకున్నాం) ఆకులు పట్టుకున్న చందాన ఉంది  మన వాళ్ళ స్థితి.  ఈ దుస్థితికి కారకులైన వ్యక్తులు,పార్టీలు కలవరపడుతున్నాయి . రాజకీయ బతుకు చితికి పోతుందనే భయంతో  ఊరు వాడా  వీరతాళ్ళు పట్టుకొని వీరంగం తొక్కే రాజకీయ పోతురాజులు, మాతంగి కన్యలు బలే ఉత్సాహం తో లయ బద్దం గా చిందులు వేస్తూ జనాలని మరో సారి అమ్మలగన్న అమ్మ సొనియమ్మకు "బలి " చేసి కోరికలు తీర్చుకోవాలని మనసిద్దంగా బడిత పూజలు చేస్తున్నారు.  వీధుల్లో రాజమండ్రి  పోతురాజు ఉండవల్లి, విజయవాడ పోతు లగడపాటి గంతులు వేస్తూ  కొరడాలు తీసుకొని చెల్లుచెల్లున జులిపిస్తుంటే మోగే మోతలకు చిన్నపిల్లలు,(స్కూల్ పిల్లలు) జడుసుకుంటున్నారు. సీమ సింహాలు పులి ...

రండి మన ఆంద్ర ప్రదేశ్ ను పునర్మించుకుందాం

స్వార్ద రాజకీయాలకు, కుటిల నీతికి  తెలుగు నెల రెండు ముక్కలై పోయింది. తెలుగు జాతి చితికి పోయింది.  ఆనాడు మద్రాస్ నుండి ఆంధ్రగా విడిపోయినప్పుడు కుడా ఇవే స్వార్ద రాజకీయ శక్తులు తమ స్వలాభం కొరకు సిమాంద్ర ప్రజల ప్రయోజనాలను పణం పెట్టారు. కాంగ్రెస్ కుటిల  రాజకీయ ఎత్తు గడలతో ముందు  కర్నూలు ను రాజధానిగా చేసి తరువాత హైదరాబాద్ కు తరలించారు. ఒకవేళ ఆనాడే ఆంద్ర రాజధాని విజయవాడ లో ఉంటె అసలు విశాలాంధ్ర ఉహే వచ్చేదికాదు.  ఆ తరువాత జై తెలంగాణ , జై ఆంద్ర  ఉద్యమాలలో కుడా ఇలాంటి స్వార్ద రాజకీయాలే పనిచేశాయి. మరల గత దశాబ్దం నుండి జరిగిన రాజకీయలు పరాకాష్ట కు చేరుకొని ఈ నాటి ఈ దుస్థితికి చేరుకొంది.  ఆనాడు కాకతీయ సామ్రాజ్యం విచ్చిన్నమైంది . విజయనగర సామ్రాజ్యం కకావికలం అయింది . నిజాం చేతిలోచిక్కిన తెలుగు నెల ఇంగ్లీషు వాడికి అమ్ముడు పోయింది. అయినా మరల తెలుగు జాతి బతికి బట్ట కట్టింది.   కాకతీయుల పతనం తరువాత ఆత్మాభిమానం తో ఓరుగల్లు వదలి హంపి చేరారు. హంపి పతనం తో పెనుగొండ కు ఆ తరువాత మదురై , చెన్నపట్నాల కు, చివరకు కర్నూలు...

కబ్జా రాజకీయాలు

ఒకరి  ఆస్తి ని  కబ్జా చేసి దాన్ని స్వంతం చేసుకోవాలంటే కబ్జాదారులు/రౌడి మూకలు ముందుగా చేసే పని ... ముందుగా  సదరు ఆస్తి పై ఉన్న హక్కు పై    ఎలాగోలా  వివాదం సృష్టించాలి, ఆ తరువాత రంగం లోకి తన తాబెదారుల ద్వారా వివాదం లోకి దూరి దాని హక్కు దారులను  నయానో భయానో వంచించి జబర్దాస్తిగా  ఆస్తిని హస్త గతం చెసుకొవాలి.  సరిగ్గా ఇదే తీరులో  అన్న  'ఎన్టీఆర్' పై పేటెంట్ హక్కును తెలుగుదేశం కు లేకుండా చేయాలని కబ్జాదారులు వివాదం మొదలు పెట్టారు.  పైసా లాభం ఉన్నా దానిని ఎలా అయినా దక్కించుకోవాలనే వారికి ప్లేక్సిల పై  ఎన్టీఆర్ బొమ్మ ఒక తాజా ఉదాహరణ. ఇలాంటి చిల్లర   వివాదాలకు దారులు వేసేందుకు  పిల్ల కాంగ్రెస్ శత విధాలుగా ప్రయత్నం చేయటం మన రాష్ట్రంలో దిగజారిన రాజకీయాలకు నిలువెత్తు నిదర్శనం.  ప్రత్యర్ది పార్టికి ఉన్న ఏకైక నాయకుడిని వారికి లేకుండా చేయటం , నక్కకి - నాక లోకానికి ఉన్నంత తేడా ను వదిలి YSR  ను ఎన్టీఆర్ తో పోల్చి ఇద్దరు ఒకటే నని ప్రజలకు టోపీ పెట్టటం దీని ...

మన పయనం ఎటు ?

రెండు దశాబ్దాలుగా ఉన్న ఓ ప్రజా నాయకుడు, తొమ్మిది ఏళ్లగా మంత్రి పదవి వెలగబెడుతున్నవ్యక్తి   వేసవి కాలం గుంటూరులో నీటి కరువు ను తీర్చటానికి    స్వంత డబ్బు(?)తో రెండు వాటర్ ట్యాంక్ లు కొని ఓటర్ల/ప్రజలకు కు 'జల దాత' గా పోజుపెడుతున్నాడు. ఎలక్షన్ లో మైలేజి కి బోడి నాటకాలు  ఇలా MLA/ MP   లగా మంత్రులు గా  వీళ్ళు అధికారం లో ఉంది ప్రజలకు కావలిసిన కనీస వసతులు కల్పించాటానికా లేక ప్రజలను పిచ్చి వాళ్ళ గా చూస్తూ  వారి దయా దాక్షిణ్యాల పై బిచ్చగాళ్ళ గా బ్రతకటానికా?   ప్రజల సమస్యలను గాలికి వదిలి అస్తమానం వారిలో మత,ప్రాంత,కుల పరమైన  ఆవేశాలను, ఆవేదనలను  పెంచే ఇలాంటి ప్రజా ప్రతినిధులు మనకు దాపురించినందుకు నేటి మన  ప్రజాస్వామ్యం లో ఉన్న లోపంగానే భావించాలి. అలాగే అందినకాడికి దేశాన్ని,ప్రజలను దోచుకొని దాన్ని దాయటానికి రాజాకీయాలు ఓ మార్గం గా తయారైయింది. విశ్వసనీయ  ప్రజాసేవ పేరుతో విశ్వస రహిత  జైలు రాజకీయాలను నడిపే దోపిడీ  నాయ...

ఈ రాష్ట్రం ఎర్రి పుచ్చకాయలు తిన్నట్లుంది !

పిచ్చి తల కేక్కితే ... తలకి రోకలి చుట్టమని అన్నాడట , వెనకటకో పెద్ద మనిషి.  అలాగే ఒక మంచి వ్యక్తి పిచ్చిగా ప్రవర్తించితే వెర్రి పుచ్చకాయలు తిన్నాడేమో అనే సందేహం కలగటం సహజం. ఎర్రి పుచ్చకాయలు అనేవి అసలు ఉన్నాయో లోవో తెలవదు కాని, ఆకారణం గా  పిచ్చి పట్టటానికి వీటిని తినటం కారణంగా మన పిచ్చి పెద్దలు ఒకానొక పిచ్చి వేళ లో గట్టిగా సెలవిచ్చారు. లేకపోతే నిట్టనిలువున ఒక వ్యక్తికి మెదడు చెడి తిక్కతిక్కగా ప్రవర్తించటం  ఎందుకో వారికి ఓ పట్టాన అర్ధం కాలేదు. ఇప్పటిలా పిచ్చి కుదిరించే పిచ్చి ఆసుపత్రులు/  పిచ్చి డాక్టర్స్  ఆనాడు లేరు  కాబట్టి, బూత వైద్యులు మాత్రమే వారికి దిక్కుకాబట్టి, పిచ్చి కుదరటానికి ' బడిత పూజ'  మంచి మందుగా తేల్చారు. మొదట అమ్మాయల పిచ్చి ఉన్న వాడికి పెళ్లి అయితే పిచ్చి కుదురుతుందనేవారు.ఆ తరువాత ప్రతి పిచ్చికి 'పెళ్లి' అయితే పిచ్చి కుదురుతుంది అనేదాకా పోయి ...చివరకు పిచ్చి కుదిరితేనే పెళ్లి జరుగుతుందని ముక్తాయుంపు చెప్పారు. అదేదో సినిమాలో 'పిచ్చి రకరకాల పిచ్చి ... ' అని పిచ్చి గాయని రాగయుక్తం గా పాడే పి...

YSR - విగ్రహ విలాపం

విగ్రహ విలాపం  భావి తరాలు కు  మార్గ నిర్దేశం చూపించే లా ,దేశాన్ని దోచే వాళ్లకు కనువిప్పు కలిగించే  లా , బిడ్డలను నీతిగా పెంచేలా,నేరాలు - ఘోరాలు చేయకుండా ఉన్నతంగా  ప్రవత్తించాలని సందేశం ఇవ్వటానికి  ఊరూరా విచ్చలవిడిగా అవినీతి సొమ్ము తో వెలిసిన   వై.యస్ .ఆర్ విగ్రహాలు ఉపయోగపడతాయన్న ఆశ ఉంటె ... అదన్నా సమాజానికి కొంచం 'మేలు' చేస్తుందన్న నమ్మకం ఉంటె వీటిని ఉంచండి. లేదా సమూలంగా తొలగించండి.

చంచల గూడా జైల్లో సాయి బాబా !

భక్తులు జైల్లో ఉంటె బాబా బయట ఉండటం ఏమాత్రం నచ్చని ఘరానా దొంగలముటా, గాలి మరి అతని మిత్ర మండలి చంచల గూడా జైల్లో సాయి బాబా విగ్రహాన్ని ప్రతిష్టించి పూజలు మొదలపెట్టారు. దేశాన్ని దోచుకున్న భక్తులు జైల్లో ఉంటె వారిని బయట పడేయటానికి బాబా నే జైల్లోకి వచ్చేలా పోలీసులు సహకరించటం, జైలును గుడిగా మార్చటం,పాపులను పవిత్రులగా చెలామణిలోకి తేవటం  మన దేశంలోనే చెల్లు. ఇంతకి సాయి బాబా ఎవరి పక్షం వహిస్తాడో మరి. ముడుపులు దండిగా ఇచ్చే  గాలి గ్యాంగ్ కి బాబా ఎలా సహాయం చేస్తాడో చూద్దాం.  బాబా కోర్టు ముందు ఇక  సి.బి.ఐ. తన వాదనలు వినిపించి(పూజలు,హోమాలు చేసి)గాలి ,అతని మిత్ర మండలకి  బైలు రాకుండా చూడాలని విజ్ఞప్తి. 

విగ్రహ రాజకీయాలు

నేడు ఆంధ్ర రాష్ట్రంలో   రాజకీయ విగ్రహల వెర్రి వెయ్యి పడగల విష నాగు లా ఊరూర వ్యాప్తి చెందుతున్నది. ఈ  తీరు గమనించితే మనం పయనించే మార్గం భావి తరాలవారికి ఎంతగా హాని చేస్తుందో అన్న ఇంగిత జ్ఞానం ఈ విగ్రహ యాగం చేసి వారికి ,వారికి సమిధలు అందించే వారికి లేనేలేదన్నది సుస్పష్టం. అవినీతికి,ఆస్త్రిత పక్షపాతానికి,అక్రమ సంపాదనకి,దొమ్మిలకి,దోపిడిలకి,లంచగోండులకు,రౌడీలకు,స్మగ్లర్లకు నడి వీధిలో ఉరివేసే రోజులు పోయి విగ్రహాలు వేసే దుస్థితి దాపురించటం దిగజారుతున్న మానవ విలువలకు అద్దం పడుతున్నది.ఈ విగ్రహాలను చూసి పొందే ఉత్తేజం ఎలాంటిదో వేరే చెప్పనవసరం లేదు. అమెరిక,ఇంగ్లాండ్ వంటి దేశాలలో ఒక వ్యక్తికి విగ్రహం వేయాలంటే అతను మరణించిన తరువాత కనీసం 25 సంవత్సరాలు ఆగాలి. విగ్రహాన్ని స్థాపించటానికి అనుమతులు పొందాలి. మరి మన దేశంలో? పదిమందిని పోగుచేసి పదివేలు ఖర్చు చేయగల చేవ వుంటే ' ఎలాంటి దగుల్బాజికి' అయినా నడి వీధిలో విగ్రహం పెట్టె వీరాభిమానులు. రోడ్డ్లకు అడ్డంగా ప్రజలకు ఇబ్బందులు కలిగించే ఈ పోకడలకు అడ్డుకట్ట వేయాలి. పబ్లిక్ ప్లేసులో ప్రకటనల ఉండే  హోర్డింగ్స్ కు రుసుము  వసూలు చేసినట్లు , ...

ముఖ్య మంత్రి గారి వాస్తు భయం

మన ముఖ్య మంత్రి గారికి వాస్తు భయం బాగా పట్టుకుంది.మాజీ ముఖ్యమంత్రి రాజశేఖర రెడ్డి దాదాపు పది కోట్లు ఖర్చు పెట్టి (దానిలో వాస్తుకు ఖర్చు పెట్టింది దాదాపు కోటి ) నాలుగేళ్ల క్రితం కట్టిన ముఖ్య మంత్రి క్యాంపు కార్యాలయం (లేక్ వ్యూ గెస్ట్ హౌస్) కు వాస్తు దోషం ఉందని,అందుకే ఆయన కు అర్దాంతపు చావు వచ్చిందని వాస్తు పండితుల ఉవాచ. (ఆనాడు వై.యస్.ఆర్. కు వాస్తు సలహాలు ఇచ్చిన వాస్తు విద్వాంసులు (విద్వంసులు) ఈ తాజావాస్తు సువార్తను ఏమంటారో!)  ఈ తాజా వాస్తు ను నమ్మి ఆ భవంతిలో ఉండటానికి భయపడి,మద్రాసు నుండి వాస్తు సిద్డంతిని పిలిపించి వారి సలహాలతో శ్రీ రోశియ్య గారు దానికి మరల వాస్తు మరమ్మతులు చేసారు.రిన్నోవేషణ్ పేరుతొ అరవై లక్షలు ప్రజా ధనాన్ని ఖర్చు పెట్టారు. వాస్తు హోమాలు, శాంతి పూజలు చేసి చివరికి శ్రీమాన్ రోశియ్య గారు క్యాంపు ఆఫీసు లో 'కుడి కాలు' పెట్టారు. 'ఎడమ కాలు' మాత్రం అమీర్ పేటలో ఉన్న తన స్వంత భవనం లోనేనట. కేవలం కార్యాలయం మాత్రమే ఈ క్యాంపు ఆఫీసు నుండి నడిపిస్తారట. అడ్డగోలుగా అన్ని లక్షలు పెట్టి వాస్తు రిపేరులు చేసిన తరువాత కుడా రోశియ్య గారికి ఇంకా వాస్తు భయం వదలక పోవటం ఆయన పిరికితనా...

సంఘాల పై అజమాయిషీ !!!

సోసైటిల పై అజమాయిషీ !!! ఐదుగురుంటే చాలు ( కేవలం కుటుంబ సభ్యులే ) ఒక సంఘాన్నిఎంచక్కా పెట్టి ,దాన్ని రిజిస్టర్ చేసి,దాని ముసుగులో వారి పనులన్నీ చక్కబెట్టుకునే ఈ రోజులల్లో వీటిపై ప్రభుత్వ అజమాయిషీ తప్పనిసరిగా ఉండాలిసిందే. వాటి జామా ఖర్చుల విషయాలపై పారదర్సకత ఉండాలి. కుటుంబ ఆస్తులకు రక్షణ కు ,విద్యా వ్యాపారాలకు మార్గం గాను, పన్ను ఎగవేతకు ఉపకరణం గాను, మత /సామాజక సేవల పేరుతొ విరాళాలు పోగుచేసుకోవటానికి ఈ నాడు అనేక సంస్థలు పుట్టగొడుగుల్లా పుట్టుకొచ్చాయి. ఉదాహరణకు మన రాష్ట్రంలో రోజు రోజుకి వెలుస్తున్న ఇంజనీరింగ్ కాలేజిలే. వీటి ఆస్తిపాస్తులపైన, కార్యకలాపాల పైన నిఘా ఉండాలి కదా? అవకతవకలు ఉంటే వాటిలో ప్రభుత్వం జోక్యం చేసుకొని చక్కదిద్దాలి. అనవసర జ్యోక్యం లేకుండా చట్ట సవరణ జరగాలి. నిజంగా సామాజక సేవ చేసే సంస్థలను ప్రోత్సహించాలి, దోపిడీ చేసేవాటిని కట్టడి చేయాలి. దీనిపై సమగ్ర చర్చ జరగిన తరువాతే శాసన సభలో బిల్లు ఆమోదం పొందాలి. ఈ విషయం లో జే పి గారి ఆవేదన అందరు అర్ధం చేసుకోవాలిసిందే. కాని ప్రభుత్వ అజామాయిషి వద్దనటం సరికాదు.రాజ్యంగా పరిధిలో నే ఈ సోసైటిల పై నియంత్రణ ఉండాలి.

ఎలక్షన్లు

యాడాదికో తూరి అమ్మోరి జాతర ! ఐదేళ్ళకో సారీ ఎలక్షన్ల తిరునాళ్ళు!! మందు , విందు , పొత్తులు డబ్బులు , డప్పులు , దండలు ,దండాలు వాగ్ధానాలు - అంకమ్మ శివాళ్ళు షరా మాములే ! మూగజీవాల రోదనలతో ముచ్చటగా ముగిసిన జాతర అమ్మవారు గుడిలోకి ... అయ్యవారు గద్దె ఫైకి !! కోరికలు తిరుతాయన్న ఆశతో భక్త జనం ఐదేళ్ళు ఎదురుచూసే పిచ్చి జనం ...