Skip to main content

Posts

సంఘాల పై అజమాయిషీ !!!

సోసైటిల పై అజమాయిషీ !!! ఐదుగురుంటే చాలు ( కేవలం కుటుంబ సభ్యులే ) ఒక సంఘాన్నిఎంచక్కా పెట్టి ,దాన్ని రిజిస్టర్ చేసి,దాని ముసుగులో వారి పనులన్నీ చక్కబెట్టుకునే ఈ రోజులల్లో వీటిపై ప్రభుత్వ అజమాయిషీ తప్పనిసరిగా ఉండాలిసిందే. వాటి జామా ఖర్చుల విషయాలపై పారదర్సకత ఉండాలి. కుటుంబ ఆస్తులకు రక్షణ కు ,విద్యా వ్యాపారాలకు మార్గం గాను, పన్ను ఎగవేతకు ఉపకరణం గాను, మత /సామాజక సేవల పేరుతొ విరాళాలు పోగుచేసుకోవటానికి ఈ నాడు అనేక సంస్థలు పుట్టగొడుగుల్లా పుట్టుకొచ్చాయి. ఉదాహరణకు మన రాష్ట్రంలో రోజు రోజుకి వెలుస్తున్న ఇంజనీరింగ్ కాలేజిలే. వీటి ఆస్తిపాస్తులపైన, కార్యకలాపాల పైన నిఘా ఉండాలి కదా? అవకతవకలు ఉంటే వాటిలో ప్రభుత్వం జోక్యం చేసుకొని చక్కదిద్దాలి. అనవసర జ్యోక్యం లేకుండా చట్ట సవరణ జరగాలి. నిజంగా సామాజక సేవ చేసే సంస్థలను ప్రోత్సహించాలి, దోపిడీ చేసేవాటిని కట్టడి చేయాలి. దీనిపై సమగ్ర చర్చ జరగిన తరువాతే శాసన సభలో బిల్లు ఆమోదం పొందాలి. ఈ విషయం లో జే పి గారి ఆవేదన అందరు అర్ధం చేసుకోవాలిసిందే. కాని ప్రభుత్వ అజామాయిషి వద్దనటం సరికాదు.రాజ్యంగా పరిధిలో నే ఈ సోసైటిల పై నియంత్రణ ఉండాలి.

తస్మా జాగ్రత్త !

చేతికి కడియం  నుదిటిన బొట్టు  వాస్తు,జ్యోస్యాల వ్యాపారాల్లో  పగటి వేషగాళ్ళు !  కొంపలు కూల్చే  దైవజ్ఞ, వాస్తు రత్న  కిరీట చోర సిఖామణులున్నారు  తస్మా ఇల్లు జాగ్రత్త!  దిక్కు తెలియక  దిక్సూచి పట్టాడు  కోటి విద్యలు  కూటి కొరకేగా !  ఇల్లు పీకీ  పందిరి వెయ్యి ...  వాస్తు వాగేవాడికి  వినేవాడు వెంగలాయి !!!

కొత్త ఒక వింత - పాత ఒక రోత !

చైనా వాస్తు -ఫెంగ్ షుయి వాస్తు విద్వాంసుల విధ్వంసంతో కుదేలైన జనం చైనా వారి సాంప్రదాయక మర్మ కళ 'ఫెంగ్ షుయి' వెంట పరుగులు పెడుతున్నారు. చైనా భాషలో ఫెంగ్ షుయి - అంటే.. గాలి - నీరు అని అర్థం. మనిషి మనుగడకు గాలి, నీరు కు ఉన్నంత ప్రాముఖ్యత ను గుర్తించి వాటిని ఇంటికి కుడా వర్తింపజేయాలనే సూత్రాన్ని ఆధారం చేసుకొని రూపొందించినదే ఈ చైనా వాస్తు. ఈ నాడు ఇది రకరకాల పోకడలతో క్రొత్త పుంతలు త్రొక్కుతూ ప్రజలను వెర్రి వాళ్ళను చేస్తూ ఒక గాలి ధుమారం వలె మన దేశంలోకి ప్రవేశించింది. రకరకాల తాయెత్తులు, వాస్తు యంత్రాలు, దిష్టి పిడతలు వంటి మన ప్రాచీన దేశీయ పద్దతుల స్థానే చైనా వారి చిట్కాలు, చిత్రాలు, చిందులు మార్కెట్టులోకి వచ్చాయి. నవ్వే బుద్దుడి బొమ్మ ఉంటే ... సిరులు ఇంటిలోకి నవ్వుతూ నడచి వస్తాయట ! అలాగే ... మూడు కాళ్ళ కప్ప బొమ్మ, డ్రాగెన్,తెల్ల పులి,నల్ల తాబేలు వంటి చిత్ర విచిత్ర జంతువుల బొమ్మలు ఇంటిలోఉంచుకుంటే శుభమట. విండ్ చిమ్స్ ,వెదురు పుల్లలు, చేపలు, తాబేళ్లు... ఇలా చైనా వాళ్ల నమ్మకాలను పాటించి ,వారి వస్తువులతో ఇంటిని నింపుకుంటే వాస్తు దోషాలుతొలగి అంతా మంచే జరుగుతుందట!! ఇలా జర...

తీర్దయాత్రలకు ప్రజల సొమ్మా?

జెరూసలెం కు వెళ్ళే క్రిస్టియన్ మత విశ్వాసులకి ఆంద్ర ప్రదేశ్  రాష్ట్ర  ప్రభుత్వం ఎలాంటి ఆర్ధిక సహాయం అందిచరాదని రాష్ట్ర హై కోర్టు మధ్యంతర తీర్పు ఇవ్వటం హర్షనీయం . ఈ తీర్పు   మత విశ్వాసాలతో రాజకీయాలు చేసే నాయకులకు చెంప దెబ్బ . ఇస్లాం మతస్తులకు హజ్/ మక్కా యాత్రలకు కేంద్ర  ప్రభుత్వ సహాయం ఉన్నదన్న సాకుతో ఇప్పుడు  కొత్తగా  క్రిస్టియన్స్ కి విదేశాలకు మత యాత్రల పేరుతొ షికార్లు వెళ్ళటానికి ప్రజాధనం ఖర్చు పెట్టటానికి  YSR పూనుకున్నారు. ఇది  ముమ్మాటికి తప్పే .  అంతర్లినంగా YSR కు ఉన్న క్రైస్తవ మతాభిమానాన్ని ఇలా నిస్సుగ్గుగా  బయట పెట్టుకున్నాడు . విమర్శలు చుట్టుముట్టేసరికి తాజాగా కొత్త పల్లవి అందుకున్నాడు.  అత్త సొమ్ము అల్లుడు దానం చేసినట్లు... హిందువులకు కుడా మానసరోవరమ్ యాత్రలకు ఆర్దిక సహాయం చేస్తామనటం  నీ తిమాలిన పని . మతాన్ని,రాజ్యాన్ని వేరుగా ఉంచటమే నిజమైన లోకికవాదం అవు తుంది . అన్ని మతాల వారికి ప్రభుత్వం ఇస్తున్న ఆర్దిక సహాయాలను నిలిపి వేయాలి .మత వ్యవహారాలల...

శ్రీ వా నీ లు

శ్రీ నివాస్ వా స్తు నీ తు లు నేలకు కులం   వాస్తు రాజ్యాంగంలో   రంగు , రుచి , వాసన చూచి   రిజర్వేషన్లు !!   వరదలు, వడదెబ్బలు   కాచుకున్న ఇల్లు  వాస్తు గాలికి  కుప్ప కూలింది ! వాలు ,వీలు   గాలి, వెలుగు ఉంటే  ఇంటికి వాస్తుతో పనేముంది? రోగాలు, రోస్టులకు   వాస్తు వైద్యం !   దవాఖనాలెందుకు దండుగ ?   ఆలిఫై అనుమానం   ఇంటిఫై శంక   రోగం ఒక్కటే   మందు తినాలి తూర్పు పడమర బొమ్మా బొరుసు యెదై తేనేమి విలువ ఒక్కటే ! ప్రపంచమంతా వాస్తు మయం వెర్రివాడికి క్రొత్త కళ్ళజోడు ! ఇంటి కొలతలకు వాస్తు గణితం అంకెల గారడిలో రెండు రెళ్ళు ఆరు !

వాస్తు లో కుల బీజాలు !!!

హిందూ సమాజం లో లోతుగా వేల్లూరుకున్న కుల వృక్షం యొక్క బీజాలు మనకు వాస్తు శాస్త్రం లో కనబడతాయి. గ్రామా /పట్టణ/ నగరాల లో ఏ వర్గం (కులం/వర్ణం) ఏ దిశలో ఉండాలో చెప్ప బడింది.వృత్తులను బట్టి,జాతులను బట్టి వారి నివాసాలు ఎక్కడ ఉండాలో నిర్ణయం చేయబడింది. దీనివల్ల తరతరాలగా సమాజం వర్గాలుగా, కులాలగా విభజింప బడినది. వృత్తుల మద్య అంతరం మనుష్యుల మధ్య విభజనాన్నిశాశ్వితం చేసాయి. వాస్తు శాస్త్రం లో చెప్పబడిన విషయాలను పరిసిలించితే నేటి కుల సమాజం యొక్క బలమైన పునాదులు కనపడతాయి. బ్రాహ్మణ, క్షత్రియ, వైశ్య, శూద్ర వర్ణాలు కు వారి నివాసాలు ఎలా వుండాలో,నేలకు రంగు, రుచి,వాసన, ఎలా వుండాలో చెప్పబడినది.  1. బ్రాహ్మణలు: ఉత్తర దిశలో ఇల్లు/ వాకిలి  2. క్షత్రియ : తూర్పుదిశలో ఇల్లు/ వాకిలి  3. వైశ్య : దక్షణ దిశలో ఇల్లు/ వాకిలి  4. శూద్ర : పడమరదిశలో ఇల్లు/ వాకిలి  ఈ దిశలు ఊరి మధ్య బిందువు (బొడ్డురాయి)కి వుంటాయి. వీరితో పాటు మిగిలిన ఇతర వర్ణాలు,కులాలు ఎక్కడ నివాసం వుండాలో చెప్పబడినది.  గ్రామ,నగరాలలో ఆగ్నేయ, నైరుతి, వాయువ్య దిశలలో - చాకలి, మంగలి, జాలరి, మాదిగ, వర్ణ సంకరం చెందిన వారు నివాసం వుండాలి....

వర్షాల కోసం వరుణ యజ్ఞం !!!

కలి కాలం ... కాదు , కాదు కల్ల కాలం !!! వానలు కురవాలి వాన దేవుడా ! చెరువులన్నీ నిండాలి వాన దేవుడా !! వానలు కురవాలని, కప్పలకు పెళ్ళిళ్ళు జరుపుతూ జానపదులు పాడుకునేలల్లాయి పదాలు నేడు ప్రభుత్వాన్ని నరిపే నాయకాగ్రేస్వర్లు సెలవిస్తున్నారు. వర్షాల కోసం వరుణ యజ్ఞం చేయాలని, చర్చిల్లో, మసీదుల్లో ప్రార్థనలు, నమాజులుచేయటానికి మన దైవ దూతలు ఆజ్ఞలు జారిచేస్తున్నారు. ఇంతకంటే దిక్కుమాలినదగాకోరు తనం ఎక్కడా కానరాదు. ఆదిమ సమాజంలో, వర్షాలు ఎప్పుడు పడతాయో,ఎలా పడతాయో తెలయని కాలంలో, ప్రజలు వర్షాల కోసం వరుణయజ్ఞం చేసారంటే తప్పులేదు. కాని విజ్ఞానం మెండుగా వున్నా, నేడు వానలు కురవాలని యజ్ఞాలు,యాగాలుచేయాలనటం, ప్రజల్లో మూఢ నమ్మకాలను ప్రోస్తాహించటమే. ఇలా ప్రజల సొమ్మును దుర్వినియోగం చేయటంక్షమించరాని నేరం. ప్రజలను మూఢ నమ్మకాల్లో ముంచి తమ పబ్బం గడుపుకునే ఇలాంటి రాజకీయ రాభంధులను తరిమి తరిమి కొట్టాలి.