కొత్త ఒక వింత - పాత ఒక రోత !

చైనా వాస్తు -ఫెంగ్ షుయి

వాస్తు విద్వాంసుల విధ్వంసంతో కుదేలైన జనం చైనా వారి సాంప్రదాయక మర్మ కళ 'ఫెంగ్ షుయి' వెంట పరుగులు పెడుతున్నారు.
చైనా భాషలో ఫెంగ్ షుయి - అంటే.. గాలి - నీరు అని అర్థం.
మనిషి మనుగడకు గాలి, నీరు కు ఉన్నంత ప్రాముఖ్యత ను గుర్తించి వాటిని ఇంటికి కుడా వర్తింపజేయాలనే సూత్రాన్ని ఆధారం చేసుకొని రూపొందించినదే ఈ చైనా వాస్తు. ఈ నాడు ఇది రకరకాల పోకడలతో క్రొత్త పుంతలు త్రొక్కుతూ ప్రజలను వెర్రి వాళ్ళను చేస్తూ ఒక గాలి ధుమారం వలె మన దేశంలోకి ప్రవేశించింది.
రకరకాల తాయెత్తులు, వాస్తు యంత్రాలు, దిష్టి పిడతలు వంటి మన ప్రాచీన దేశీయ పద్దతుల స్థానే చైనా వారి చిట్కాలు, చిత్రాలు, చిందులు మార్కెట్టులోకి వచ్చాయి.
నవ్వే బుద్దుడి బొమ్మ ఉంటే ... సిరులు ఇంటిలోకి నవ్వుతూ నడచి వస్తాయట!
అలాగే ... మూడు కాళ్ళ కప్ప బొమ్మ, డ్రాగెన్,తెల్ల పులి,నల్ల తాబేలు వంటి చిత్ర విచిత్ర జంతువుల బొమ్మలు ఇంటిలోఉంచుకుంటే శుభమట. విండ్ చిమ్స్ ,వెదురు పుల్లలు, చేపలు, తాబేళ్లు... ఇలా చైనా వాళ్ల నమ్మకాలను పాటించి ,వారి వస్తువులతో ఇంటిని నింపుకుంటే వాస్తు దోషాలుతొలగి అంతా మంచే జరుగుతుందట!!
ఇలా జరుగుతున్నఅసత్య ప్రచారంతో ఈ నాడు చీనా వారి వాస్తు వస్తువులు మార్కెట్టులో వేలంవెర్రిగా అమ్ముడుపోతున్నాయి.వంద నుండి వేలల్లోఖరీదు చేసే ఈ వస్తువులు జనాల జేబులు ఖాళీచేస్తున్నాయి.
మన వాస్తు సిద్దాన్తుల చేష్టలతో ఇల్లు వళ్ళు గుల్ల చేసుకొని , ఇంకా ఆశ చావక ఈ చీనా వాస్తు నుపట్టుకొని ఇంటికి మరమ్మత్తులు చేస్తూ,ప్రాకులాడే వారిని చూసి నవ్వాలో ... జాలిపడాలో ... అర్ధం కాకుండా ఉంది.
ఫెంగ్ షుయి పేరుతొ జరిగే మోసాలు, దోపిడిలు గమనించిన చైనా ప్రభుత్వం దీనిపై నిషేధం విధించినదన్న విషయం ప్రస్తావనార్హం. ఈ ఫెంగ్ షుయి సిద్దాంతులు చైనా వదిలి ఇతర దేశాలలో కాలం గడుపుతూ ఈ నమ్మకాలను ప్రపంచవ్యాప్తంగా వెదజల్లుచున్నారు.
అనాదిగా మన సమాజంలో ఇప్పటకే అనేక మూఢ విశ్వాసాలున్నాయి. వాటితోనే సతమతం అవుతుంటే ఇంకా క్రొత్తగా కొన్నిపిచ్చి నమ్మకాలు ఇతర దేశాలనుండి దిగుమతి చేసుకోవటం అభిలషియం కాదు. చైనా చిట్కాలు చేస్తే కష్టాలు, నష్టాలు తీరవన్నసంగతి ఎంత త్వరగా తెలుసుకుంటే అంత మంచిది.

Comments

Praveen Mandangi said…

మీ కోసం మా ప్లానెట్ లో http://teluguwebmedia.net/planet/Atheism/ కాటెగరీ పెట్టాము.

August 6, 2009 at 12:24 AM

kodali srinivas said…

చీ! నా నీ లు

గృహ రోగానికి
చీనా చిట్కా వైద్యం...
గాడిద పుండుకి
బూడిద మందు!

నల్ల తాబేలు
తెల్ల పులి
ఎర్ర పక్షి
ఎంటర్ ది డ్రాగెన్ !

గాలి గంటలు
నీటి గుంటలు
మూటలు మోసుకోస్తాయి...
బుద్దుడు నవ్వేడు !

August 6, 2009 at 9:53 PM

Praveen Mandangi said…

Promotion of superstions is business of three flowers and 6 coconuts in India.

August 8, 2009 at 10:37 PM

Anonymous said…

em cheppavu praveen annaai!!

June 16, 2010 at 4:38 AM

జ్యోతిష్యం-నా ఆలోచనలు

జ్యోతిష్యం పై నేను లేవనెత్తిన ప్రతి ప్రశ్న ( సందేహాలకు) కు ముందుగా నా అభిప్రాయాలు మీతో పంచుకుంటాను. 1. జ్యోతిషం మనుషులకేనా,పశు పక్షాదులకు కుడా చెప్పగలరా? గ్రహాల ప్రభావం ఈ భూమండలం పై జీవించే ప్రతి ప్రాణి పై ఉంటుందనే జ్యోతిష్య సిద్దాంతం నిజమైతే జాతక చక్రం మనుషులతో పాటు సమస్త జీవ కోటికి ఉండాలి. ప్రతి జీవి తన జన్మ కాలాన్ని బట్టి తన జాతకాన్ని కలిగి ఉండాలి. మరి ఏనాడు ఈ దైవజ్ఞులు మనుషులకు తప్పా ఇతర జీవ జాలానికి జాతక చక్రం రాసిన దాఖలాలు లేవు. పశు పక్షాదుల జనన కాలాన్ని బట్టి వాటి కష్టసుఖాలు, ఆయుషు .... వంటి వాటిని అంచనా వేసి చెప్పే పద్ధతి ఈ శాస్త్రంలో రాయబడ లేదు. బహుశ మనుషులకు తప్పా మిగిలిన జీవాలకు వాటి అవసరం బొత్తిగా లేదనుకుంటా. వాటికి జాతక చక్రం వేసినందువల్ల గిట్టుబాటు కుడా ఉండదు. జ్యోతిష్యం లో అపార పరిశోధనలు చేసేవారు ఈ విషయంలో వేలు ఎందుకు పెట్టలేదో మరి? చేతనైతే ఏదో ఒక జంతువుకు / జీవికి జాతక చక్రం రాసి అది నిజమని నిరూపించాలి.లేదా పశు పక్షాదులకు జ్యోతిష్యం వర్తించదని ఒప్పుకోవాలి. అలా ఒప్పుకుంటే గ్రహాల ప్రభావం కేవలం మనుషులకేనని చెప్పాలి. ...

జల జాతర - పుష్కరాలు

తెలుగునాట ప్రవహించే నదులలో ముఖ్యమైన గోదావరి,కృష్ణ నదులకు పుష్కరాల పేరుతో 12 ఏళ్లకు ఒకసారి పుణ్య స్తానాలు చేయటం ఒక ఆచారంగా కొనసాగుతుంది. ఉప నదులకు ప్రత్యేకంగా పుష్కరాలు జరపరు. వాటికి కూడా ప్రధాన నది తో పాటే పుష్కరాలు వస్తాయి. కానీ కృష్ణ నదికి ఉపనది అయినా తుంగ భద్ర (ఇవి రెండు నదులు) కు ప్రత్యేకంగా పుష్కరాలు జరుపుతున్నారు. ఈ ఏడాది తుంగభద్ర నదిలో పుష్కరాల పేరుతో మరొక జల జాతర మొదలౌతుంది. గంగా నదికి 12 ఏళ్లకు ఒకసారి నిర్వహించే కుంభమేళల ప్రేరణతో దేశవ్యాప్తంగా మరొక 11 నదులకు కూడా పుష్కరాల పేరుతో జల జాతరలు మొదలైయ్యాయి. దీని కొరకు బృహస్పతి పంచాంగం అని 4332. 5 రోజులకు (11 సంవత్సరాల 10 నెలల 10 రోజులు అంటే దాదాపు 12 సంవత్సరాలు) ఒక ఏడాదిగా భావించే ఒక కాలమానం రూపొందించారు. బృహస్పతి దేవతల గురువు కాబట్టి మన వారు దీన్ని గురు గ్రహం అని పిలుస్తారు. భూ కేంద్ర సిద్దాంతం ప్రాకారం బృహస్పతి భూమిని ఒక సారి చుట్టి రావటానికి 12 సంవత్సరాలు పడుతుంది. బృహస్పతి సూర్యుని చుట్టు తిరిగే మార్గంలో ఉన్న 12 రాశులలో ఒక్కో ఏడాది(361 రోజులు) ఒక్కో రాశిలో ఉన్నట్లు గోచరిస్తుంది. బృహస్పతి కేలండర్ ను (బార్హస్పతి మానం) ప...

భద్రాచల రామాలయం ఎవరు కట్టారు?

నేడు భద్రాచలం లో ఉన్న రామాలయం భక్త రామదాసు చే కట్టించబడినది కాదు. ఇప్పుడున్న సీతరాముల గుడి శ్రీ కల్లూరి చంద్రమౌళి గారి ఆధ్వర్యం లో పునర్మించబడిన దేవాలయం మాత్రమే. భద్రాచలం రామాలయం అనగానే అందరికి స్పురణకు వచ్చే పేరు భక్త రామదాసుగా ప్రసిద్ది చెందిన కంచర్ల గోపన్న. తానీషాకు పన్నులు కట్టకుండా ఆ డబ్బుతో 17 వ శతాబ్దంలోరామదాసుచే నిర్మించబడిన సీతారాముల దేవాలయం చాలా చిన్నది. సాదా సీదా ఉండే ఆ ఆలయం లో ఎటువంటి శిల్ప కళా వైభవం లేదు. ఇది 1960 నాటికి బాగ శిధిలమై కూలిపోయే స్థితికి చేరుకుంది. ఆకాలంలో చంద్రమౌళి గారు దామోదరం సంజీవయ్య గారి క్యాబినెట్ లో దేవాదాయ ధర్మాదాయ శాఖ మంత్రిగా నియమితులైయ్యారు. స్వతహాగా రామ భక్తుడైన చంద్రమౌళి గారు భద్రాద్రి దేవాలయ పరిస్థితి చూసి వెంటనే ఆలయ పునఃనిర్మాణానికి నడుం కట్టారు. ఆయన అధ్యక్షులుగా రామాలయ జీర్ణోద్ధరణ సంఘం ఏర్పాటయింది. చంద్రమౌళి రాష్ట్రం నలుమూలల తిరిగి, జోలె పట్టి లక్షలాది రూపాయల విరాళాలు పోగుచేశారు. ఆనాడు ఆంద్ర ప్రభ దిన పత్రిక ...

వాస్తు గురించి భయపడుతున్నారా ! ఇవి చదవండి.

1.వాస్తు విద్య VAASTHU VIDYA (బృ హత్ సంహితా భాగానికి విశ్లేషణాత్మక తెలుగుఅనువాదం)-2007 జ్యోతిష్య, ఖగోళ శాస్త్రవేత్త ఆర్యభట్ట సమకాలికుడు వరాహమిహిరుని చే ఆరోవ శతాబ్దంలో గ్రంధస్థం చేయబడిన బృహత్సంహిత లోని ఒక భాగమే ఈ వాస్తు విద్య. మూల శ్లోకాలతో పాటు వివరణాత్మక తాత్పర్యం ఇవ్వబడినది. పొట్టి శ్రీరాములు తెలుగు విశ్వవిద్యాలయం ఆర్దిక సహకారం తో తొలిసారి వెలువడిన ఈ గ్రంధం మన ప్రాచీన వాస్తు శాస్త్రాన్ని సంక్షిప్తంగా తెలియజేస్తుంది. ఆనాడు వాస్తు పేరుతో చెప్పబడిన విషయాలు ఏమిటి? అవి ఈనాడు ఎంత వరకు ఉపయోగపడతాయన్న విషయం ఈ గ్రంధం ద్వారా తెలుసుకోవచ్చు. తెలుగులో ప్రాచీన ప్రామాణిక వాస్తు గ్రంధాలు లేని కొరతను ఇది కొంతవరకు తీరుస్తుంది.పేజీలు : 100 2. వాస్తు లో ఏముంది? VAASTHULO EMUNDI? వాస్తు ఫై సమగ్ర పరిశోధనా గ్రంధం - 1997 లేని విషయాన్ని చెప్పటాన్ని అబద్ధం అంటారు. చిన్న విషయాన్ని పెద్దది చేసి భూతద్దంలో చుపటాన్నిఅతిశయోక్తి అంటారు. విషయాన్ని సరిగ్గా అర్థం చేసుకోలేక పోవటాన్ని అవగాహనారాహిత్యం అంటారు. నేడు సమాజంలో విరివిగా అనేక అబద్దాలు, అతిశయోక్తులు వాస్తు పేరుతొ వాస్తవాలుగా చెలామణీ అవుతున్నాయి ఈ అశాస్త్రీయ మైన వ...

తెగులు జాతి మనదోయి

దేశమంటే మట్టేనోయి మట్టిటంటే ప్రాంతమేనోయి నీ సీమ,దోమ నీదేనోయి నా ఊరు,కారు నాదేనొయి నీ భాష వేషం నీదొనొయి నా గోస గోచి నాదేనోయి జాతి,నీతి ఒక బూటకమేనోయి తెలుగుతల్లి,తెలగాణవల్లి ఒక కల్పనేనోయి భాందవ్యాలు వట్టి భ్రమేనోయి బంధుత్వాలను బద్దలు చేయవోయి భాగాలుగా విభాజించుకోవోయి భజన చెక్కలు పట్టుకోవోయి కోటాలు రాబట్టుకోయి వాటాలు కొట్టు కోని బాగుపడవోయి తెలుగు జాతి మనదోయి రెండుగా పగులు జాతి మనదోయి! ఆవేశం ఎక్కువేనోయి ఆలోచన శూన్యమేనోయి వితండం విప్లవం విపరితమేనోయి వివేకం విచక్షణ విసుమంతేనా లేదోయి సొంత లాభం చూచుకోవోయి తోటి వాడిని తొక్కి పడదోయవోయి తెలుగు జాతి మనదోయి నిండుగా రగులు జాతి మనదోయి! అవినీతికి హారతులు పడతాం చెరసాలకు పరుగులు పెడతామోయి కులాలకు కుంపట్లు పెడతాం డబ్బుకు,డాబుకు డప్పు కొడతామోయి ఏ దేశమేగినా ఎందు కాలిడినా ఏ పీటం ఎక్కినా మన తీరు మారదోయి! తెలుగు జాతి మనదోయి మెండుగా గుబులు జాతి మనదోయి! గతాన్ని గుర్తుంచుకోవద్దోయి స్వార్దానికి చెయ్యెత్తి జై కొట...

హేతువాది - Hethuvaadi

Search This Blog