పప్పన్నాలతో వచ్చే ముప్పు - 2

ఇదే శీర్షికతోఇంతకు ముందు ఒక టపా రాసాను.ఆ టపాలో చెప్పిన ఆహార దుబార (విందుల పేరుతొ జరుగుతున్న)కు ఓ చక్కటి పరిషక్కారం ఇప్పుడు దొరికింది. వెంకి పెళ్లి సుబ్బి చావు కొచ్చిందని ... నా ముందు టపా లో వాపోతే ,మన సానియా పెళ్లి నా ఆందోళనకు ఒక పరిష్కార మార్గం చూపెట్టింది.

ఇక్కడ ఘనంగా పెళ్లి చేసుకొన్నసానియా తన పాకిస్తాన్ పెనిమిటి షోయబ్ మాలిక్ ఇంటికి వెళ్లి అక్కడ ఎంచక్కా పెళ్లి విందులతో అందరిని అలరిస్తున్నది. అయితే మనలాగా పెళ్లి విందులలో రకరకాల రుచులతో షడ్ర శోపేత భోజనాలు అతిధులకు వడ్డించటం పై పాకిస్తాన్లో నిషేధం ఉన్నదట. నిన్న లాహోరు లో సానియా షోయబ్ ల 'వలిమ' (పెళ్లి కొడుకు తరుపు వారు ఇచ్చే విందు) లో అతిదులకు 'కోడి కుర్మా' ఒక్కటే వడ్డించారని వార్త. పెళ్లి విందులలో ఒక డిష్ కంటే ఎక్కువ ఉండరాదని అక్కడ చట్టాలు చేసారట. డబ్బు ఉన్నా అందరికి ఇదే రూలు వర్తిసుంది. ఎంత బాగుంది ఈనియమం. దీన్ని మన దేశంలో కుడా అందరికి వర్తించేలా కటినమైన చట్టం చేసుకుంటే ముందు ముందు మనకు వచ్చే ఆహార ముప్పు నివారించ వచ్చు. ఈ విషయం లో ఎంత త్వరగా చట్టం తెచ్చుకుంటే అంత మంచిది. ఏమంటారు?