హేతువాది - Hethuvaadi

చంచల గూడా జైల్లో సాయి బాబా !

2012-02-11T22:41:00.000-08:00

భక్తులు జైల్లో ఉంటె బాబా బయట ఉండటం ఏమాత్రం నచ్చని ఘరానా దొంగలముటా, గాలి మరి అతని మిత్ర మండలి చంచల గూడా జైల్లో సాయి బాబా విగ్రహాన్ని ప్రతిష్టించి పూజలు మొదలపెట్టారు.

దేశాన్ని దోచుకున్న భక్తులు జైల్లో ఉంటె వారిని బయట పడేయటానికి బాబా నే జైల్లోకి వచ్చేలా పోలీసులు సహకరించటం, జైలును గుడిగా మార్చటం,పాపులను పవిత్రులగా చెలామణిలోకి తేవటం మన దేశంలోనే చెల్లు. ఇంతకి సాయి బాబా ఎవరి పక్షం వహిస్తాడో మరి. ముడుపులు దండిగా ఇచ్చే గాలి గ్యాంగ్ కి బాబా ఎలా సహాయం చేస్తాడో చూద్దాం.

బాబా కోర్టు ముందు ఇక సి.బి.ఐ. తన వాదనలు వినిపించి(పూజలు,హోమాలు చేసి)గాలి ,అతని మిత్ర మండలకి బైలు రాకుండా చూడాలని విజ్ఞప్తి.

శ్రీ జాగర్లమూడి కుప్పుస్వామి చౌదరి

2011-12-25T07:47:00.000-08:00

ఎంతో మందికి విద్యాదానం చేసిన గుంటూరు లోని జాగర్లమూడి కుప్పుస్వామి చౌదరి కళాశాల

(JKC college ) కుప్పుస్వామి పేరిట స్థాపించబడింది. వారి గౌరవార్దం ఇన్నాళ్ళకు JKC -రింగ్ రోడ్ కూడలిలో వారి కాంస్య విగ్రహాన్ని తమిళనాడు గవర్నర్ శ్రీ కే. రోశయ్య గారిచే 23 -12 -2011 న ఆవిష్కరించబడినది.

జాగర్లమూడి కుప్పుస్వామి చౌదరి మహాదాత మరియు గొప్ప విద్యాపోషకుడు. ప్రకాశం జిల్లాలోని కారంచేడు గ్రామములో ఒక సంపన్న భూస్వాముల కుటుంబములో జన్మించాడు.

తెలుగు సంస్కృతిని పరిరక్షించుటకు, విద్యాసంస్థలు నెలకొల్పుటకు, కవి పండితులను ప్రోత్సహించుటకు విశేష కృషి చేశాడు. ఆంధ్రాభ్యుదయోద్యమాలలో ముఖ్య పాత్ర వహించి, 1931లో చెన్నపట్టణములో జరిగిన ఆంధ్ర మహా సభలో ఆంధ్ర రాష్ట్ర నిర్మాణానికి తీర్మానాన్ని ప్రవేశబెట్టి నెగ్గించాడు.

గుంటూరు జిల్లా బోర్డు అధ్యక్షులుగా, మద్రాసు లెజిస్లేటివ్ కౌన్సిల్ సభ్యునిగా 18 సంవత్సరాలు సేవ చేశాడు.

కావూరు గ్రామములో స్వామి సీతారాం గారి వినయాశ్రమానికి 100 ఎకరాలు దానం చేశాడు. గుంటూరులో ఉన్నవ లక్ష్మీబాయమ్మ స్థాపించిన శారదానికేతన్ కు భూరి విరాళమిచ్చాడు. ఆంధ్రరత్న దుగ్గిరాల గోపాలకృష్ణయ్యను కష్టకాలములో ఆదుకున్నాడు. ఎందరో పేద విద్యార్ధులకు దానాలు చేశాడు.

కవులను ఆదరించి భాషాసేవ చేశాడు.

మైసూరు అసెంబ్లీ డెప్యూటీ స్పీకరు ఆచార్య శంకరలింగ గౌడ చే 'గుంటూరు మండల చరిత్ర' అనే పరిశోధనా గ్రంథము వ్రాయించాడు.

కవి రాజు త్రిపురనేని రామస్వామి గారి చే ' కుప్పు స్వామి శతకం' రాయించిన హేతువాద ప్రచారకుడు.

కవికోకిల గుర్రం జాషువా కుప్పుస్వామి గురించి ఇలా శ్లాఘించాడు:

"శరణంబిచ్చిరి నా అనాధ కవితా చంద్రాస్య నీక్షించి

ముగ్గురు శ్రీమంతులు వర్ణ ఖండన విగగ్ధున్ గొనబు పంటల అసామి కుప్పుసామి"

గుంటూరు చంద్రమౌళి నగర్ లో కల్లూరి చంద్ర మౌళి గారి విగ్రహావిష్కరణ

2011-12-24T02:16:00.000-08:00

గుంటూరులో చంద్రమౌళి నగర్ అనగానే గుర్తుకు వచ్చే వ్యక్తి
శ్రీ కల్లూరిచంద్రమౌళి. చంద్రమౌళి గారి సహాయ సహకారాలతో, వారి పేరుతో రూపుదిద్దుకున్న ఈ కాలని నేడు గుంటూరులో ఒక ప్రముఖ నివాస ప్రదేశంగా అభివృద్ధి చెందింది. ఇన్నాళ్ళకు చంద్రమౌళి నగర్ లో వారి విగ్రహం పెట్టటం వారి అబిమానులకు ఊరట కల్గించినది.
శ్రీ చంద్ర మౌళి గారి కాంస్య విగ్రహం
చంద్రమౌళి నగర్ ఫస్ట్ లైన్,రింగ్ రోడ్ కూడలిలో
ది. 23 -12 -2011 న తమిళనాడు గవర్నర్
శ్రీ కొనజేటి రోశయ్య గారి చే ఆవిష్కరించబడినది.
ఈ సందర్బంగా శ్రీ రోశయ్య గారు ప్రసంగిస్తూ,కల్లూరిచంద్రమౌళి గారు నిష్కలంక దేశ భక్తుడు ,గాన్దేయ వాది, స్వాతంత్ర్య సమరయోధుడు అని తొలితరం ఆంధ్ర ప్రదేశ్ రాజకీయ నాయకుడు అని కీర్తించారు. ఈయన సంయుక్త మద్రాసు రాష్ట్రములోను, ఆంధ్ర రాష్ట్రములోనూ, ఆంధ్ర ప్రదేశ్ లోనూ మంత్రిపదవి నిర్వహించరాని, తిరుమల తిరుపతి దేవస్థానములకు అధ్యక్షునిగా కూడా పనిచేశాడని, తాను నమ్మిన విలువలకు విఘాతం కల్గిందన్న భాదతో ,యమ్.యల్. ఎ. పదవికి రాజీనామా చేసిన ఉన్నత మైన రాజకీయ నాయకుడు అని అన్నారు. అటువంటి మహా నాయకుని విగ్రహం ఆవిష్కరించటం తన అదృష్టం గా బావిస్తున్నట్లు తెలిపారు.

దేశానికి వాస్తు తెగులు !!!

2011-12-13T09:53:00.000-08:00

ఈ దేశానికే వాస్తు సరిగా లేదని,అందుకే మనకిన్ని కష్టాలని ఓ వాస్తు విద్వాంసుడు (వి ద్వంసుడు) సెలవిస్తున్నాడు.మరొకడు రాష్ట్రానికి,ఇంకొకడు జిల్లాలకు,వేరొకడు ఊరికి వాస్తు బాగాలేదని అంటుంటే ,ఇప్పుడు పార్టీ గెలుపు ఓటమిలకు కుడా వాస్తు పనిచేస్తుందని మాయ చేస్తున్నారు.

ఇది ఇలాఉంటే ... ఆడలేని అమ్మ మద్దెల ఓడు అన్నట్లు, తెలుగు దేశం పార్టీ నేతలు రాష్ట్రంలో అధికారంలోకి రాకపోవటానికి పార్టీ ఆఫీసు ఎన్.టి.ఆర్. భవన్ కు వాస్తు బాగా లేనందువల్లెనని తిర్మనించి, నటుడు బాల కృష్ణ సారద్యం లో వాస్తు మరమ్మత్తులు మొదలెట్టారు. ఇంతకు ముందుకుడా ఇలానే చాలా సార్లు పార్టీ కార్యాలయాలకు వాస్తు చికిత్సలు చేసి చేతులు కాల్చు కున్నా బుద్ది రాలేదు.

అధికారంలోకి రావటానికి ప్రజలను నమ్ముకుంటే ఫలితం వుంటుందే గాని వాస్తును నమ్ముకుంటే పార్టీ నశించి పోవటంఖాయం.విజన్ 2020 అంటూ మొదలు పెట్టి నేడు మూఢ నమ్మకాలలో కాలక్షేపం చేయటం ఎంత వరకు సబబో పార్టీ శ్రేణులుకొంచం ఆలోచించాలి.

నిరాశ,నిస్పృహలు ప్రవేశించినప్పుడు వివేకం సన్నగిల్లటం సహజం.ఇలాంటి సమయంలోనే విజ్ఞతచూపాలి.

ఈ నాటి దేశ రాజకీయాలలో అబద్రతా భావం పెచ్చు మీరి రాజకీయ నాయకులు వాస్తు, గ్రహ బలాలను పట్టుకు వ్రేలాడుతున్నారు.అధికారంలో ఉన్నవారైతే మరీను. ప్రభుత్వ ఆఫీసు లకు,క్వార్టర్స్ కు వాస్తు పేరుతొ రిపేర్లు చేస్తూ ప్రజా ధనం వృధా చేస్తున్నారు.

వీరిని చూసి ఎందరో సామాన్య జనం కుడా వాస్తు పేరుతో వారి కాలాన్ని,ధనాన్ని పోగొట్టుకుంటున్నారు.ఒక లెక్క ప్రకారం వాస్తు పేరుతొ ఈ దేశంలో షుమారుగా ఏటా ఒక వెయ్యి కోట్లు వృధా అవుతుందని అంచన.ఈ డబ్బుని ప్రజోప పనులకు ఉపయోగపడితే ఎంత బాగుండు.

పదుగురికి మార్గనిర్దేశం చేసేవారు,ప్రజలలో పలుకుబడి/హోదా వుండేవారు,డబ్బు ,డాబు వుండే పెద్దలు .. వీరు నడిచే పద్దతిని బట్టి,చేసే పనులను బట్టి ఇలాంటి చిల్లర పనులకు ఆదరణ లభిస్తున్నది.

అలాగే ఎలక్షన్లలో గెలవటానికి యజ్ఞాలు,యాగాలు చేసే ప్రభుద్దులు, ఇళ్ళకి వాస్తు, ప్రతి రోజు చేసే పనులకు ముహూర్తాలు చూచుకొనేప్రజా నాయకులకు ఈ దేశంలో కొదవలేదు. దశా నిర్దేశం చేయాలిసిన మన నాయకులు "కుక్క తోకను పట్టుకొని .." దేశాన్ని నడిపిస్తాం అంటుంటే ..చేసేది ఏమి లేదని తల పట్టుకొని కుర్చోవాల, లేక వాళ్ళని కుర్చీలో నుండి దించాలా? ఆలోచించండి.

తపాళబిళ్ళ పై త్రిపురనేని రామ స్వామి కుమారుడు- గోపిచంద్

2011-10-02T07:41:00.000-07:00

India Post released a stamp of Tripuraneni Gopichand

on 8th September 2011.

త్రిపురనేని రామస్వామి

ప్రముఖ తెలుగు రచయిత, హేతువాది నాస్తికుడు , సాహితీవేత్త మరియు తెలుగు సినిమా దర్శకుడు . గోపీచంద్ 1910, సెప్టెంబర్ 8 న కృష్ణా జిల్లాఅంగలూరు గ్రామములో జన్మించాడు. ఈయన తండ్రి ప్రముఖ సంఘ సంస్కర్త ,కవిరాజు త్రిపురనేని రామ స్వామి. తండ్రి కొడుకులు లిద్దరికీ మన తపాల శాఖ ప్రత్యక తపాల బిళ్ళలను విడుదల చేయటం అపూర్వ విషయం.

హేతువాద నాస్తికత్వపు భావజాలాల వాతావరణంలో రామస్వామి గారి వద్ద పెరిగిన గోపీచంద్ పై వాటి ప్రభావం సహజంగానే పడింది.1932 లో వివాహం;1933లో బి,ఏ పట్టా ఆ తర్వాత లా డిగ్రీ. కొంతకాలం పాటు న్యాయవాదిగా ప్రాక్టీసు పెట్టినా ఆ వృత్తిలో యిమడలేక పోయాడు. ఈ దశలో ఆయన కమ్యూనిజం(మార్క్సిజం)పట్ల ఆకర్షితుడయ్యాడు. కానీ అందులోని అరాచకత్వం ఆయనకు నచ్చలేదు. ఆ తర్వాత ఎమ్.ఎన్.రాయ్ 'మానవతావాదం' వారిపై గొప్ప ప్రభావాన్ని చూపింది. ఈ కాలంలో ఆయన ఆంధ్రా రాడికల్ డెమొక్రటిక్ పార్టీ కార్యదర్శిగా పనిచేసాడు.1928లోనే శంబుక వధ కథ ద్వారా సాహిత్యరంగంలోకి ప్రవేశించిన గోపీచంద్ 1938లో పట్టాభి గారి సోషలిజం అన్న పుస్తకాన్ని వెలువరించాడు. తొలుత కథా సాహిత్యంలో స్థిరపడ్డ గోపీచంద్ ఆ తర్వాత నవలా సాహిత్యరంగంలోకి అడుగుపెట్టాడు.

1953లో ఆంధ్రరాష్ట్ర సమాచార శాఖ డైరెక్టర్ గా, 1956లో ఆంధ్ర ప్రదేశ్ సమాచార శాఖ సహాయ డైరెక్టర్ గా పనిచేసాడు.1957-62 వరకు ఆకాశవాణిలో పనిచేసాడు.

గోపిచంద్ తన చివరిదశలో అరవిందుని భావాల పట్ల విశ్వాసం ఏర్పడడంతో ఆధ్యాత్మికవాదం వైపుకి పయనించాడు. 1962 నవంబర్ 2 నాడు గోపీచంద్ మరణించాడు.

గోపి చంద్ గారి రచనలు

అసమర్థుని జీవయాత్ర
గడియపడని తలుపులు
చీకటి గదులు
పండిత పరమేశ్వర శాస్త్రి వీలునామా
ప్రేమోపహతుల
పరివర్తన
యమపాశం
శిధిలాలయం
తత్వవేత్తలు
పోస్టు చేయని ఉత్తరాలు
మాకూ ఉన్నాయి సొగతాలు

సినిమాలు

1939లో చలనచిత్ర రంగంలోకి ప్రవేశించిన గోపీచంద్ దర్శకనిర్మాతగా కొన్ని చిత్రాలను నిర్మించాడు. చలన చిత్ర రంగం లో వారు చేసిన కృషి

చదువుకున్న అమ్మాయిలు (1963) (మాటల రచయిత)

ధర్మదేవత (1952) (మాటల రచయిత)

ప్రియురాలు (1952) (కథ, మాటల రచయిత మరియు దర్శకుడు)

పేరంటాలు (1951) (దర్శకుడు)

లక్ష్మమ్మ (1950) (దర్శకుడు)

గృహప్రవేశం (1946) (కథా రచయిత)

రైతుబిడ్డ (1939) (మాటల రచయిత)

సిద్దార్థ ఇంజనీరింగ్ కాలేజీ తొలి ప్రిన్సిపాల్ -ప్రొఫెసర్ తుమ్మల వేణుగోపాల రావు

2011-10-02T07:23:00.000-07:00

ప్రొఫెసర్ తుమ్మల వేణుగోపాల రావు

మార్గదర్శి, విద్యావేత్త,అభ్యుదయశీలి, హేతువాది, నా లాంటి ఎందరికో స్పూర్తి నిచ్చిన గురువు గారు శ్రీ టి.వి. రావు గారు 22-09-2011 న అస్తమించటం తీరని లోటు.
విజయవాడ లో సిద్దార్థ ఇంజనీరింగ్ కాలేజీ తొలి ప్రిన్సిపాల్ గా దానికి రూపురేఖలు దిద్దిన దార్సినికుడు. విద్యార్దిగా నాకు వారితో ఉన్న అనుబంధం (1978-82) మరిచిపోలేనిది.విద్య వ్యవస్థ ను సరైన మార్గం లో ఉంచటానికి నిరంతరం తపన పడిన విద్యావేత్త. నాణ్యమైన సాంకేతిక విద్యతోపాటు,స్టడీ సర్కిల్ పేరుతో సామాజక,సాంఘిక,ఆర్దిక,రాజకీయ,సాహిత్యాది విషయాలను,వివిధ రంగాలలో ప్రసిద్ది చెందిన వ్యక్తులను పరిచయం చేసిన ఉత్తమ ఉపాద్యాయుడు. ఆనాటి సిద్ధార్థ ఇంజనీరింగ్ కాలేజీ లో చదివిన ప్రతి విద్యార్ధి కి వీరు ఆత్మీయులే.
ఆ తరువాత KLCE ప్రిన్సిపాల్ గా ఉన్నప్పుడు(1986-88) లెక్చరర్ గా వారితో కలసి పనిచేయటం ఒక అనుభూతి.వారి సమక్షం లో గంటలు నిమిషాల్లా మారిపోతాయి.

వికాస విద్యవనం లో నా కుమారుడు చరణ్ తో శ్రీ టి.వి.రావు(1997)

మాస్టారు వికాస విద్యవనం,(స్కూల్) పోరంకి, డైరెక్టర్ గా ఉన్నప్పుడు (1996-97) మా ఇద్దరు పిల్లలు అక్కడ చదవటం వాళ్ళ అదృష్టం. నాకు మరియు నా పిల్లలకు(చరణ్,సుదీర) వేణుమాస్టారు మరి ఇక లేరు అనే విషయం మా మనసులకు విషాదాన్ని మిగిల్చింది.

వికాస విద్యవనం లో నా కుమార్త సుదీర తో శ్రీ టి.వి.రావు (1997)

1997లో వేణు మాస్టారు నేను రాసిన వాస్తు వ్యాసాలు చూసి వాటిని మెచ్చుకొని వాటిని పుస్తక రూపంలో తీసుకుని రమ్మని కోరారు. ఇది "వాస్తు లో ఏముంది?" గా ప్రచురిచాబడటానికి వారే ప్రేరణ. అడగగానే ఆనందం తో ఈ పుస్తకానికి ముందు మాట కూడా వారే రాసారు.

వేణు మాస్టార్ గారితో పరిచయం, సాన్నిహిత్యం,ఆలోచనలు నా జీవితాన్ని చాలా ప్రభావితం చేసిందనుటలో ఏమాత్రం అతిశయోక్తి లేదు. వారు బాపట్ల ఇంజనీరింగ్ కాలేజి లో డైరెక్టర్ పనిచేసే టప్పుడు(2001) నన్ను పిలిచి సత్తుపల్లి మదర్ తెరెసా ఇంజనీరింగ్ కాలేజీ కి ప్రిన్సిపాల్ గా వెళ్ళమని అదేసించటం,అలాగే ఆ కాలేజీ కి వారు గోవర్నిగ్ బాడి చైర్మెన్ గా(2001-2006) మిస్ట్ కాలేజీ కి ముఖ్యంగా నాకు వారు అందించిన సహకారం మరువలేనిది.ముది వయస్సులో కుడా చాలా చలాకీగా ఉండేవారు.గత నాలుగు సంవత్సరాలు తప్పా మిగిలిన కాలమంతా అరవయి లో ఇరవయి లా గలగలా పారే సలవేరులా ఉండేవారు.
సృజన తో నిండిన సాంకేతిక విద్య ఎలా ఉండాలో చెప్పి ఆచరణలో చూపిన క్రియాశీల వ్యక్తీ మా వేణు మాస్టారు.వారు ఆంధ్ర విశ్వ విద్యాలయం ఇంజనీరింగ్ కాలేజీ కి, ఏలూరు సి.ఆర్.ఇంజనీరింగ్ కాలేజీ కి ప్రిన్సిపాల్ గా పనిచేసి తనదంటూ ఒక వరవడిని సృష్టించిన మేధావి. సినీనటుడు మోహన్ బాబు కోరికపై తిరుపతి లోని వారి ఇంజనీరింగ్ కాలేజీ కి కుడా సహాయ సహకారాలు అందించారు.

Prof.T.V.Rao,మిస్ట్ మీటింగ్ - సత్తుపల్లి (2005)

ఆలాగే వారింటికి వెళ్ళినప్పుడల్లా ఎంతో ఆప్యాయతను కనపరిచిన మా గురు పత్ని శ్రీమతి కృష్ణ బాయి గారికి వారి కుటుంబ సభ్యులందరికీ నాప్రగాడ సంతాపం తెలియజేస్తూ వారి ఆలోచనా సరళి లో పయనం చేస్తూ వారి ఆశయ సిద్దికి కృషి చేద్దాం.ఇదే వారికి మనం ఇచ్చే నివాళి.

విగ్రహ రాజకీయాలు

2011-09-02T03:50:00.000-07:00

నేడు ఆంధ్ర రాష్ట్రంలో రాజకీయ విగ్రహల వెర్రి వెయ్యి పడగల విష నాగు లా ఊరూర వ్యాప్తి చెందుతున్నది. ఈ తీరు గమనించితే మనం పయనించే మార్గం భావి తరాలవారికి ఎంతగా హాని చేస్తుందో అన్న ఇంగిత జ్ఞానం ఈ విగ్రహ యాగం చేసి వారికి ,వారికి సమిధలు అందించే వారికి లేనేలేదన్నది సుస్పష్టం. అవినీతికి,ఆస్త్రిత పక్షపాతానికి,అక్రమ సంపాదనకి,దొమ్మిలకి,దోపిడిలకి,లంచగోండులకు,రౌడీలకు,స్మగ్లర్లకు నడి వీధిలో ఉరివేసే రోజులు పోయి విగ్రహాలు వేసే దుస్థితి దాపురించటం దిగజారుతున్న మానవ విలువలకు అద్దం పడుతున్నది.ఈ విగ్రహాలను చూసి పొందే ఉత్తేజం ఎలాంటిదో వేరే చెప్పనవసరం లేదు.

అమెరిక,ఇంగ్లాండ్ వంటి దేశాలలో ఒక వ్యక్తికి విగ్రహం వేయాలంటే అతను మరణించిన తరువాత కనీసం 25 సంవత్సరాలు ఆగాలి. విగ్రహాన్ని స్థాపించటానికి అనుమతులు పొందాలి. మరి మన దేశంలో? పదిమందిని పోగుచేసి పదివేలు ఖర్చు చేయగల చేవ వుంటే 'ఎలాంటి దగుల్బాజికి' అయినా నడి వీధిలో విగ్రహం పెట్టె వీరాభిమానులు.
రోడ్డ్లకు అడ్డంగా ప్రజలకు ఇబ్బందులు కలిగించే ఈ పోకడలకు అడ్డుకట్ట వేయాలి. పబ్లిక్ ప్లేసులో ప్రకటనల ఉండే హోర్డింగ్స్ కు రుసుము వసూలు చేసినట్లు, వీధుల్లోపెట్టె ప్రతి విగ్రహానికి దానిని పెట్టిన వారినుండి ప్రతి ఏడాది రుసుము వసూలు చేయాలి. వాటిని వాణిజ్య ప్రకటనలగానే పరిగణించి భారి మొత్తంలో(వీధిని బట్టి,కూడలిని బట్టి)స్థానిక సంస్థలు టాక్సు వేయాలి. ఎంతటి వ్యక్తి కి అయినా ప్రజా ధనం తో విగ్రహాలు,స్మారకాలు కట్టే వెసులు బాటు ప్రభుత్వాన్ని నడిపే వారికి లేకుండా చట్టం రావాలి.
జాతికి స్పూర్తి,దశ,దిశా నిర్దేశించే మహానీయులకు మాత్రమే ఈ అరుదైన గుర్తింపు విగ్రహ రూపంలో ఉండాలి.

Re Post this

2011-08-28T00:24:00.000-07:00

In 1982, In Singapore, a bill similar to LOKPAL BILL was implemented and 142 Corrupt Ministers & Officers were arrested in one single day.. Today Singapore has only 1% poor people & no taxes are paid by the people to the government, 92% Literacy Rate, Better Medical Facilities, Cheaper Prices, 90% Money is white & Only 1% Unemployment exists.. Re Post this if you want to live in a corruption free country.. !!

మరో స్వతంత్ర పోరాటం

2011-08-25T05:10:00.000-07:00

"వీరగంధము తెచ్చినారము - వీరుడెవ్వరో తెల్పుడీ

పూసిపోదుము - మెడను వైతుము - పూలదండలు భక్తితో" - త్రిపురనేని

దేశం లో పాతుకు పోయిన ఈ అవినీతి జాడ్యాన్ని అంతమొందించటానికి అన్నా హజారే చేసే ఉద్యమంలో ఒక మంచి పౌరునిగా పాలు పంచుకోవాల్సిన సమయం వచ్చింది.

మరో స్వతంత్ర పోరాటం వంటిదే ఈ నాటి ఈ అవినీతి వెతిరేక ఉద్యమం. అవనీతి పై జరిగే ఈ ధర్మ పోరాటం లోఒక వీరుడిగా కత్తి పట్టి ,కంకణం కట్టుకోండి.

అవినీతికి కొమ్ము కాసే రాజకీయులను, వ్యక్తులను ఒక కంట కనిపెట్టండి.

అవినీతిని బలపరిచే దుష్ట రాజకీయాన్ని దునుమాడదాం. అవినీతికి భాహాటంగా బలపరుస్తూ M.L.A, M.P. పదవులకు రాజీనామాలు ఇచ్చిన స్వార్ద పరులకు బుద్ది చెపుదాం.

అవినీతి డబ్బుతో అడుగడుగునా వేస్తున్న మహా అవినీతి నేత విగ్రహాలను ఆపుదాం.

అవినీతి సొమ్ముతో మదమెక్కిన నీచులను చీకొట్టి సమాజం నుండి వేలివేద్దాం.

రండి ! మరో స్వతంత్ర పోరాటం పిలుస్తుంది !!

రియల్ అడ్వేజర్

2011-06-28T09:35:00.000-07:00

సిరాస్తి కి సంబంధించిన విషయాలతో 'రియల్ అడ్వేజర్' అనే నూతన మాస పత్రిక మార్కెట్ లోకి వచ్చింది. దానిలో ప్రతి నెల వాస్తు కు సంభందించిన విషయాల పై నా వ్యాసాలూ ప్రచురించ బడతాయి.జూన్ నెల పత్రిక లో 'వాస్తువు - శాస్త్రం' అనే శీర్షిక తో నా వ్యాసం ప్రచురించ బడినది. ఆసక్తి ఉన్నవారు చదవగలరు.

వాస్తువు శాస్త్రమా?

2011-06-06T04:47:00.000-07:00

వాస్తువు శాస్త్రమా? కాదా ? అనే విషయంలోఈనాడు విభిన్న వాదనలు ఉన్నాయి. ఈ వాదనలలో వాస్తవాన్ని గ్రహించే ఔన్నత్యం,వివేకం కొరవడటం శోచనీయం.

భారతీయ రియల్ ఎస్టేట్ రంగం లో నేడు వాస్తు చూపిస్తున్న ప్రభావం దాని ఉనికికే ముప్పు తెచ్చే స్థాయిలో ఉందంటే అతిశయోక్తి కాదేమో!

నిజానికివాస్తు అంటే నివాసగృహం లేదా నివసించే ప్రదేశం అని శబ్దార్థం. శాస్త్రం అంటే శాసించేది,పరి రక్షించేది అనిఅర్ధం. వెరసి 'వాస్తు శాస్త్రం' అంటే నివాసాల నిర్మాణాలలో విధి విధానాలనుశాసించే మన ప్రాచీన నివాస నిర్మాణ శాస్త్రంగాచెప్పుకోవచ్చు. అయితే నేడు శాస్త్రం అనే పదాన్ని 'సైన్సు'కు పర్యాయ పదంగా వాడుతున్నారు.

వాస్తువు శాస్త్రమా? అనే విషయంల నేటి సైన్సు పరిధిలో ఎంత విలువ ఉంది ? సైన్సుకు వున్నా లక్షణాలు దీనికి వున్నాయా లేవా? అనే విషయంలోనే జరిగే వాదోపవాదాలు క్షుణ్ణంగా పరిశీలించాలి.

వాస్తు పై జరిగే చర్చలో కేవలం ఫలిత వాస్తును మాత్రమే పరిగణలోకి తీసుకోరాదు.అలాగే అనుభవాల పేరుతో చెప్పే వాస్తు సిద్ధాంతుల మాటలు ముమ్మాటికి నిజమని అనుకోరాదు. వాటిలో 99 శాతం అబద్దాలు, అతిశయోక్తులు.

నిజానికి,ఆనాడు వాస్తులోచెప్పబడిన ఫలితాలు ఆశాస్త్రాన్ని తు.చ. తప్పకుండాఆచరించటానికి, ఫలితాల పేరుతో ప్రజలను భయపెట్టి శాస్త్రాన్ని నూరు శాతం అమలు జేయటానికి చేప్పబడినవే.

సాంకేతిక విషయాన్ని వదలిపెట్టి గుడ్డిగా ఫలితాలను మాత్రమే పరిగణలోకి తీసుకుంటే వాస్తు ముమ్మాటికి శాస్త్రం కాదు. వాస్తులో చెప్పబడిన ఫలితాలను బట్టి వాస్తును అంచనా వేయటం జరిగితే అది ముమ్మాటికి ఒక 'మూఢ నమ్మకం' గానే మిగులుతుంది.

వాస్తు లో చెప్పబడిన విషయాలలో ఎవైన తేడాలు ఇంటిలో ఉంటె అవి మనఫై 'ఆర్దిక,ఆరోగ్య, కుటుంబ సంబంద విషయాలలో ప్రభావం చూపుతుంది' అనే వాదనలో వాస్తవం ఇసుమంతైనా లేదు.

'అదిగోపులి అంటే ... ఇదిగో తోక' అనేవారు , 'దున్నఈనింది అంటే... దూడను కట్టేయమనేవారు' ఎప్పుడు ఉంటూనే వుంటారు. వీరిమాటలు విని భయాందోళనలు చెందనవసరం లేదు.

పాలకూర లో 'పాలు', నేతిబీరకాయలో 'నెయ్యి' వుంది అనే మాటల్లో వాస్తవం ఎంతో వాస్తు లో వాస్తవంకూడా అంతే! కష్ట పడకుండా కాలైనా వంగదన్నట్లు,కష్టపడకుండా కేవలం వాస్తు తో విజయాలుసాధించటం దుర్లభం.
వాస్తుబలం కంటే 'ఆత్మబలం' పెంచుకుంటే విజయం మన చెంతకు వస్తుంది. చాందస భావాలను విడిచి విశ్వవ్యాప్తంగా పురోగమిస్తున్న సాంకేతిక విజ్ఞాన్ని సాదరంగా స్వాగతం పలుకుదాం.

పిండ ప్రధానం ఎవరికీ?

2011-03-17T04:21:00.000-07:00

పిండము జేసి పితురులను తలపోసి

కాకులకు పెట్టు గాడిదలారా !

పియ్యి తినెడి కాకి పితురుడేట్లాయరా?

విశ్వదాభిరామ వినుర వేమా

అని ప్రజా కవి వేమన ఏనాడో చెప్పాడు. వేమన మాటలు తెలంగాణా కు పనికి రావనేనే కుహునా మేధావులు ఉద్యమ నాయకులుగా చలామణి అవుతూ పిండ ప్రదానాలు చేస్తున్నారు. అలాగే స్మృతులు, పురాణాలు మరియు వ్యవస్థీకృత మతము వలన జరిగే దోపిడీ,వివక్షను చెప్పిన త్రిపురనేని రామసామి ని హుస్సేన్ సాగర్ లో వేసి బోనాలు,జాతరలు జరిపే మత వాదులు ఈ ఉద్యమంలో దూరారు.
ప్రజాస్వామ్య ఉద్యమం 'చండీయాగం' తో మొదలు పెట్టి ఇప్పుడు పిండ ప్రదానాలు చేసేవరకు దిన దినాభి వృద్ది చెందింది.

ఇలాంటి మూఢ విశ్వాసాలను గౌరవిస్తూ బూజు పట్టిన ఆచారాలను ఆరాధిస్తూ సామాజక తెలంగాణా ఎలా సాధిస్తారో ఈ ఉద్యమ నాయకులు చెప్పాలి.

పిండ ప్రధానం చేస్తే అసంబ్లి మరణించి నట్లేయితే, తెలంగాణా వెతిరేకుల పై ఉద్యమ బాటలో బాణామతి, చిల్లంగి,చేతబడి కుడా చేస్తారా? రాబోయే రోజులలో ఇది కుడా చూస్తామేమో ...

ధూర్త మానవులకు త్రిపురనేని వివేకాన్ని ప్రసాదించు గాక !

2011-03-13T01:19:00.000-08:00

విగ్రహారాదన ను తీవ్రంగా నిరసించిన మీకు మేము హైదరాబాద్ ట్యాంక్ బండ్ పై మీ విగ్రహాన్ని పెట్టి తప్పు చేసాం.విశ్వమానవాళికి హేతు బుద్దిని ప్రసాదించిన మీకు మత, కుల, ప్రాంతపు రంగు పులిమిన ఈ 'ధూర్త మానవలకు' దశ,దిశా నిర్దేశం కలిగేలా, ప్రజలలో అజ్ఞానం,అంధ విశ్వాసాలు తొలగి వివేకం పెరిగేలా, మత పిచ్చి, కుల పిచ్చి రూపు మాపెలా మన తెలుగు జాతికి జ్ఞానాన్ని కలుగజేయి. ఈ ధూర్త మానవులను క్షమించు.వారికి హేతు బుద్దిని కలిగించు.

త్రిపురనేని రామస్వామి

కవిరాజుగా ప్రసిద్ధి చెందిన త్రిపురనేని రామస్వామి ప్రముఖ హేతువాది, రచయిత, సంఘసంస్కర్త. త్రిపురనేని రామస్వామి 1887 జనవరి 15న కృష్ణా జిల్లా అంగలూరు గ్రామంలో ఒక రైతు కుంటుంబంలో జన్మించాడు.1898 లో పున్నమ్మను పెళ్ళి చేసుకున్నాడు. 1910లో వారికి ఒక కొడుకు జన్మించాడు. ఆయనే ప్రఖ్యాత రచయిత, త్రిపురనేని గోపీచందు.

1914 లో న్యాయ శాస్త్రం చదివేందుకు డబ్లిన్ వెళ్లాడు. అక్కడ న్యాయశాస్త్రమే కాక ఆంగ్ల సాహిత్యము మరియు ఆధునిక ఐరోపా సంస్కృతి కూడా చదివాడు. డబ్లిన్ లో చదువుతున్న రోజుల్లోనే అనీ బీసెంట్ ప్రారంభించిన హోం రూల్ ఉద్యమంకు మద్దతు ఇవ్వవలసినదిగా భారతీయులకు విజ్ఞాపన చేసస్తూ కృష్ణా పత్రిక లో అనేక రచనలు చేశాడు. రామస్వామి స్వాంతంత్ర్యోద్యము రోజులలో ప్రజలకు స్పూర్తినిచ్చి ఉత్తేజపరచే 'వీరగంధం తెచ్చినారం వీరుడు ఎవ్వడో తెల్పుడీ' వంటి అనేక దేశభక్తి గీతాలు రచించాడు.

1917 లో భారత దేశానికి తిరిగివచ్చిన తర్వాత కొన్ని సంవత్సరాలు మచిలీపట్నంలో న్యాయవాద వృత్తి నిర్వహించాడు. కానీ ఆయన ముఖ్య వ్యాసంగము సంఘ సంస్కరణే.

స్మృతులు, పురాణాలు మరియు వ్యవస్థీకృత మతము వలన వ్యాపించిన 'కుల వ్యవస్థ' మీద, సామాజిక అన్యాయాల మీద ఆయన పూర్తి స్థాయి ఉద్యమము ప్రారంభించాడు. 1922 లో గుంటూరు జిల్లా, తెనాలి లో స్థిరపడ్డాడు. 1925 లో తెనాలి పురపాలక సంఘ చైర్మనుగా ఎన్నికయ్యాడు. తెనాలి మున్సిపాలిటీ చైర్మెన్ గా ఉన్నపుడు, గంగానమ్మ కొలుపులలో నిర్వహించే జంతుబలిని నిషేధించాడు. ఈ అంశంలో ఆయనపై అవిశ్వాస తీర్మానం పెట్టి చైర్మను పదవి నుండి తొలగించారు. అయితే వెంటనే జరిగిన ఎన్నికల్లో మళ్ళీ ఎన్నికై, తిరిగి చైర్మను అయ్యాడు. జంతుబలులు మాత్రం సాగలేదు. 1938 వరకు ఆయన ఆ పదవిలో ఉన్నాడు. 'సూతాశ్రమం' అనిపేరు పెట్టుకున్న ఆయన ఇల్లు రాజకీయ, సాహిత్య చర్చలతో కళకళలాడుతూ ఉండేది.

సంస్కృత భాషలో ఉన్న పెళ్ళి మంత్రాలను తెలుగులోకి అనువదించి, అచ్చ తెలుగులో సరళమైన 'వివాహ విధి' అను పద్ధతిని తయారు చేసాడు. ఈయన స్వయంగా అనేక పెళ్లిళ్లకు పౌరోహిత్యము వహించాడు.ఆంటరానితనానికి వ్యతిరేకంగా పోరాడాడు. మనసా, వాచా, కర్మణా రామస్వామి ఓ సంస్కర్త. 1943 జనవరి 16న త్రిపురనేని రామస్వామి మరణించాడు.

ప్రజలను మేలుకొలిపే హేతువాద భావాలను వ్యక్తపరచడానికి సాహితీ రచనలను సాథనముగా త్రిపురనేని ఎంచుకున్నాడు. రామస్వామి తన ఆలోచనలను సాహిత్యం ద్వారా వ్యక్తపరచడమే కాక ఆచరణలో పెట్టడానికి కూడా ప్రయత్నించాడు.. మానవసేవే మాధవసేవ అని నమ్మాడు.

మలమల మాడు పొట్ట , తెగమాసిన బట్ట ,కలంతపెట్టగా

విలవిల యేడ్చుచున్న నిఱుపేదకు జాలిని జూపకుండ, ను

త్తలపడిపోయి, జీవరహితంబగు బొమ్మకు నిండ్లు వాకిళుల్

పొలమును బొట్ర నిచ్చెడి ప్రబుద్ధవదాన్యుల నిచ్చమెచ్చెదన్.

మా మతం గొప్పదంటే కాదు మా మతం గొప్పదని వాదులాడే మతోన్మాదులను ఈసడిస్తూ ....

ఒకరు 'వేదమే' భగవ దుక్తమటంచు నుపన్యసించు నిం

కొకరు 'బైబిలే' భగవదుక్తమటంచును వక్కణించు, వే

రొంకరు మా ' ఖొరాన్ ' భగవదుక్తమటంచును వాదులాడు, నీ తికమక లేల పెట్టెదవు? తెల్పగరాదె నిజంబు నీశ్వరా.

ఈయన చేసిన ముఖ్య రచనలు -

సూతపురాణము
కొండవీటి పతనము
కుప్పుస్వామి శతకం
మాల దాసరి
గోపాలరాయ శతకం
పల్నాటి పౌరుషం
శంబూకవధ
సూతాశ్రమ గీతాలు
ధూర్త మావన శతకము
ఖూనీ
భగవద్గీత
రాణా ప్రతాప్

యలమంచిలి వెంకటప్పయ్య సంస్మరణ సభ

2011-03-08T03:47:00.000-08:00

గుంటూరులో 06 -03 -2011 న కీర్తి శేషులు యలమంచిలి వెంకటప్పయ్య 14 వ వర్ధంతి సంస్మరణ సభ జరిగింది. దీనికి గోగినేని బాబు, తుమ్మా భాస్కర్ ప్రధాన వక్తలుగా హాజరైనారు. బాబు గారు తన స్మారకోపన్యాసం లో నేడు సమాజంలో చోటుచేసుకున్న వివిధ నమ్మకాలను,వాటి వింత పోకడలను గురించి సవివరంగా చెప్పారు.తుమ్మా భాస్కర్ గారిచే రచించబడిన 'యలమంచిలి వెంకటప్పయ్య సాహిత్య పరిచయం ' అనే పుస్తకాన్ని,వెంకటప్పయ్య గారి ' కులం ఏది?' అనే పుస్తకాన్ని నాద్వార ఆవిష్కరించటం నాకు సంతోషాన్ని కలిగించింది. ఇంకా ఈ సభలో కొతపల్లి రవి బాబు, దివికుమార్, అంచా బాపా రావు ,యలమంచిలి శివాజీ (Ex .M P.) తో పాటు అనేక మంది హేతువాదులు హాజరైనారు.
యలమంచిలి వెంకటప్పయ్య గారి నాల్గోవ వర్ధంతి సభ 04-03-2001 న విజయవాడ లో జరిగినప్పుడు నేను ముఖ్య వక్తగా వారి స్మారకోపన్యాసం 'వాస్తు లో వాస్తవం ఎంత?' అనే అంశం పై ప్రసంగించటం జరిగింది. అంతకు ముందే వెంకటప్పయ్య గారి 'వేదాలు అంటే ఇదేనా? ' అనే గ్రంధం చదవటం వల్ల వారి గురించి కొద్దిగా తెలిసినది. ఆ తరువాత వారి 'బీద బ్రతుకు' (స్వీయ చరిత్ర) చదివిన పిదప వారిపై అంతులేని గౌరవం ఏర్పడింది.

యలమంచిలి వెంకటప్పయ్య ( 1898 -1997 ) గారు నిస్వార్ధ స్వాతంత్ర సమర యోధుడు. గాన్దేయ వాది. హేతువాది. కాకినాడ లో 1920 లో జరిగిన జాతీయ కాంగ్రెస్ సభలలో బ్రాహ్మణులకు ప్రత్యేక భోజన శాల ఉండటానికి వీల్లేదని అందరూ కలిసే తినాలనీ తీర్మానం చేయించాడు. మంత్రాలులేని వివాహాలు, కులాంతర వివాహాలు పట్టుబట్టి చేయించారు.99 సంవత్సరాలు పరిపూర్ణ జీతాన్ని గడిపిన వెంకటప్పయ్య గారు వారి మరణాంతరం వారి శరీరాన్ని మెడికల్ కాలేజికి దానం చేసారు. వారి నేత్రాలు ఇద్దరు అందులకు చూపును ఇచ్చింది. మూడ నమ్మకాలను నిరసిస్తూ అనేక రచనలను చేసారు. వారు రాసిన 53 పుస్తకాలలో ముఖ్యమైనవి ...

వేదాలంటే ఇవేనా? 1984

పుష్కరాలు ఎవరి కోసం? 1980

తులసీ రామాయణమంటె ఇదేనా? 1987

పెళ్ళెందుకు 1977

శ్రాద్ధకర్మ ఎవరి కొరకు? 1976

మంగళసూత్రం పవిత్రమైందా? 1979

మతాలు ఎవరికొరకు? 1992

కులం ఏది ? -1970

బీద బ్రతుకు -1985

నాస్తిక మేళా

2011-03-07T04:31:00.000-08:00

2011 -పిబ్రవరి, 12 మరియు 13 తేదిలలో బి. రామకృష్ణ మాస్టారు నిడమర్రు లో స్థాపించిన చార్వాక ఆశ్రమం లో 19 వ నాస్తిక మేళా ఘనంగా జరిగాయి. నిర్వాహకుల అభ్యర్ధన పై నేను 'వాస్తు లో వాస్తవాలు' గురించి ప్రసంగించాలని మొదటి సారిగా(12-2-2011) ఈ చార్వాక ఆశ్రమం దర్శించటం జరిగింది
నాస్తిక,హేతువాదఉద్యమకారుడు బి.రామకృష్ణ గారు గుంటూరు జిల్లా తుళ్ళూరు లో జన్మించినారు. తాడికొండ సంస్కృతకళాశాల ప్రిన్సిపాల్ ఉద్యోగానికి రాజీనామా చేసి మంగళగిరి మండలం నిడమర్రు లో 'చార్వాక విద్యాపీఠం' స్థాపించి దానిద్వారా అనేకమంది నాస్తికుల్ని తయారుచేశారు.నాస్తికులకు,బౌతిక వాదులకు ఒక ప్రత్యామ్నయ సంస్కృతిని ఏర్పరిచి వారిలో వివేకాన్ని,వికాసాన్ని కల్గించేలా 19 సంవత్సరాల క్రితం (1992 లో) బి. రామకృష్ణ గారు నాస్తిక మేళా ను ప్రతి ఏడు పిబ్రవరి రెండవ శని,ఆది వారాలలో జరిగేలా ప్రణాళిక చేసారు.

2008 లో వారు గతించిన తరువాత కుడావారి వారసులు ఈ నాస్తిక మేళాను గుంటూరు జిల్లా నిడమర్రు లో ఉన్న చార్వాక ఆశ్రమం లో జరుపుతూ వారి ఆశయ సిద్దికి కృషిచేయటం చాలా అభినందనీయం.
ఈ మేళా కు అనేకమంది నాస్తిక, హేతువాద ప్రముఖులు కుటుంబ సమేతంగా హాజరై వారి ఆలోచనలు పంచుకోవటం జరిగింది.
మేళా ఒక పండుగలా ఉండాలే కాని సభలా ఉండరాదు.

ఈ ఆశ్రమ ప్రాంగణం లో వేమన, త్రిపురనేని రామస్వామి, నాయకర్, సామినేని వంటి ఆధునిక హేతువాదులతో పాటు మన ప్రాచిన బౌతిక వాదులు కణాదుడు, జాబాలి, బుద్దుడు విగ్రహాలు ఏర్పరిచి వారు హేతువాద వ్యాప్తికి ఎలా కృషి చేసారో కుడా వాటిపై రాసారు. ఇలాంటి హేతువాద ఆశ్రమాలు, సైన్సు ప్రదర్శన శాలలు ఎన్నో రావలిసిన ఆవశ్యకత ఎంతో ఉంది.

గెలుపు జ్యోతిష్యానిదే !

2010-12-30T02:14:00.000-08:00

తెలంగాణా వస్తుందా? రాదా? దీనిపై గ్రహాలూ ఏమంటున్నాయి? అనేదానిపై నిన్న ఒక టి.వి. చానల్ లో దైవజ్ఞుల (?) మద్య చర్చా కార్యక్రమం జరిగింది. దీనిలో సారాంశం ఏమిటంటే ... తెలంగాణాకు గ్రహాలూ అనుకూలంగా లేవు కాబట్టి రాదనీ ఒక జ్యోతిష్కుడు, అనుకూలంగా గ్రహాలూ ఉన్నాయని మరొక జ్యోతిష్కుడు వాదించుకొని ఎంచక్కా లేచిపోయారు. పుట్టే బిడ్డ ఆడా, మగా అని అడిగితే ... ఒకడు మగ అని మరొకడు ఆడ అని వాదించు కున్నట్లు ఉంది వీరి వాదనలు. ఇలాంటి చర్చలలో ఎవరు చెప్పింది జరిగిందో అది వారి గొప్ప గాను, జరగక పోతే... అది జ్యోతిష్కుని అసమర్ధత గాను లెక్కించటం షరా మామూలే. ఎవరు గెలిచినా, ఎవరు ఓడినా దీనిలో జ్యోతిష్యానికి మాత్రం (జ్యోతిష్య శాస్త్రం ) ఓడిపోదు. శాస్త్రాన్ని తప్పు పట్టటం జరగనే జరగదు. ఇది ఈ శాస్త్రం యొక్క మార్మిక బలం.

వ్యవసాయం దండగా లేక పండగా ?

2010-12-23T01:30:00.000-08:00

వ్యవసాయాన్ని నమ్ముకుంటే 'దండగ' అని చంద్ర బాబు నాయుడు అన్నాడని హస్తం కాంగ్రేసు వాళ్ళు , అసలు ఆమాటే అనలేదని,వ్యసాయాన్ని 'పండగ' చేస్తామని అన్న కాంగ్రేసు వారు పిండాలు పెట్టిస్తునారని సైకలు వాళ్ళు ఒకటే రేట్టించు కుంటున్నారు. తిలా పాపం తలా పిడికడని రైతులను దగా చేసినది గత పాలకుల అందరిది అన్నది వాస్తవం. శ్రీ నారా చంద్రబాబునాయుడి గారి నిరాహార దీక్ష పుణ్యమా అని రైతుల కష్ట సుఖాలు గురించి న ఒక అర్దవంతమైన చర్చకు దారి తీస్తుందని ఆశిద్దాం.

వ్యవసాయం 'దండుగ' మారి కార్యక్రమం గా జేసిన పరిస్థితులు ఏమిటన్న విషయం గురించిన వాస్తవ వాదనలు తెరపైకి రాలేదు.

నిజానికి వ్యవసాయం నేడు రైతులకు 'దండగ' గాను, కూలిలకు 'పండగ' గాను మారిందన్నది వాస్తవం.

పంట పండినా పండక పోయినా కూలి రేటు పెరుగుతూ పోతూనే ఉంది. పనికి ఆహార పధకం, ఉపాధి కల్పనా పధకం వ్యవసాయ పనులకు గుది బండలా తయారై కులిల కొరత వచ్చి, కూలి రేటు పెరిగి ఖర్చులు పెరిగాయి. వీటికి తోడు పురుగు మందులు,ఎరువులు ధరలు పెరిగి పెట్టుబడి అధికమైనది. ఓట్ల రాజకియ్యంలో రైతు ఓడిపోయాడు. ఆర్దికంగా చితికి పోయాడు. తెలివిగలవారు, వెసులుబాటు గలవారు పొలాలను వదలి పట్నం చేరారు. దాదాపు సగం పొలాలు కవులు రైతుల చేతులలోకి వెళ్ళాయి. పకృతి వైపరిత్యాలు వచ్చినప్పుడు జరిగే నష్టాన్ని తట్టుకునే శక్తి ఈ బాడుగ/ బడుగు రైతులకు లేదన్నది నిజం. పండితే తినేవారే కానీ, పంట పోతే పట్టించుకునే వారు లేరు.

వ్యవసాయం ఒక గిట్టు బాటు వ్యాపకం గా (వృత్తిగా) చేయవలిసిన బాధ్యత పరిపాలకులపై ఉంది. పకృతి వైపరిత్యాలు వచ్చినప్పుడే తీసుకొనే తాత్కాలిక పదకాలవల్ల తక్షణ ఉపసమనం కలుగుతుందే కానీ దిర్గాకాలిక ప్రయోజనం లభించదు. ఈ దిశగా చర్యలు తీసుకునేలా చంద్రబాబు గారి నిరసన దీక్ష తోడ్పాటు చేయగలదని ఆశించుదాం. రైతుల ప్రయోజనాలకై మనం కుడా మన వంతు సహాయ సహకారాలు అందించుదాం. జై కిసాన్ !

రైతన్నా మేలుకో !రాజ్యాన్ని ఏలుకో !!

2010-12-19T04:02:00.000-08:00

రైతన్నా మేలుకో, రాజ్యాన్ని ఏలుకో అని ఒకప్పుడు మారుమోగిన నినాదం. ఆనాడు రైతుల బాగోగుల గురించి మాట్లాడే వారికి మంచి గుర్తింపు,ఆదరణ ఉండేవి. ఆచార్య రంగా, చౌదరి చరణ్ సింగ్ రాజకీయంగా రైతుల కొరకు కృషి చేసారు.గిట్టు బాటు ధరల గురించి వారు చేసిన పోరాటాలు ఈనాటికి పరిష్కారానికి నోచుకోలేదు. రైతులలో అనైక్యత వారి రాజకీయ పోరాటానికి ఉతం ఇవ్వలేదు. క్రమంగా రైతులను వారి ఓట్ల కొరకు ఏదో ఒకటి చేయాలన్న స్పృహ రాజకీయ నాయకులలో పోయింది.సంక్షేమ పనులకు పెద్ద పీటలు వేస్తూ వ్యవసాయానికి కనీస ప్రోత్సాహం ఇవ్వాలన్న ఇంగిత జ్ఞానం కుడా ఈ నాటి రాజాకియ నాయకులకు గాని పార్టీలకు గాని లేకుండా పోయింది. వీరికి చేసినా చేయక పోయినా పెద్దగా వరిగేది ఏమి లేదన్న భావం వేల్లునుకుంది. రైతుల గురించి మాట్లాడే వారు రోజు రోజుకి కనుమరుగౌతున్నారు.ఒక వేళ చంద్రబాబు లాంటి వారు రైతుల గురించి ఆమరణ దీక్ష చేసుంటే దాన్ని గేలి చేస్తున్నారు. రైతుల గురించి మాట్లాడటానికి కుడా ఒక ప్రధాన ప్రతిపక్షానికి అర్హతలేదనటం దివాలాకోరు రాజకీయం. ఏ పార్టీ అయినా రైతుల కష్ట సుఖాలను గురించి మాట్లాడే హక్కు ఉంటుంది. తాము మాత్రమే రైతుల పై పేటెంట్ ఉన్నట్లు భావించే వారికి బుద్ధి చెప్పే రోజు కొరకు ఎదురు చూద్దాం.రాజకీయాలకు అతీతంగా రైతు ల పక్షాన్న నిలబడేవారికి అండగా నిలుద్దాం. ఈ నిర్లక్షాన్ని,నీతి లేని పరిపాలను,మతి తప్పిన నాయకులను ఇంకెంత కాలం భరించాలి? బేదాలను వదలి ప్రతి వ్యక్తి జై కిసాన్ అనే వరకు కలసి నడుద్దాం.

జై కిసాన్! జై కిసాన్ !! జై కిసాన్ !!!

ఒకే ఒక్కడు జే.పి.

2010-12-11T01:57:00.000-08:00

విద్యార్దుల ముసుగులో గూండాలు, రౌడీలు జేరి శాంతి భద్రతలకు తీవ్ర విఘాతం కలిగించే వారికి శిక్షలు లేకుండా కేసులు తిసివేయాలనటం, ఇలాంటి వాదనకు వత్తాసు పలకటం నీచ నికృష్ట రాజకీయానికి పరాకాష్ట. తప్పును తప్పు అని చెప్పటం కుడా తప్పేనని దౌర్బాగ్యులు దేశంలో తయారైయ్యారు. ఉద్యమాల పేరుతో దమన కాండ చేసేవారిని ఉదారంగా చూస్తూ వదిలేయమనే ప్రజా ప్రతినిదులలో ప్రజల పక్షాన నిలబడి నిజాన్ని నిర్బయంగా అసంబ్లిలో చెప్పిన ఒకే ఒక్కడు లోక్ సత్తా అధినేత జే.పి.

నేడు ప్రతి విషయం రాజకీయ కోణంలో లాభ నష్టాలు లెక్కలు చూసుకొనే రాజకీయ నాయకులు చట్టాన్ని,న్యాయాన్ని గౌరవించే రోజు కొరకు ఎదురు చూద్దాం. 'ధర్మో రక్షితి రక్షతః' అనే మన సనాతన హితోక్తి ని మరిచిపోవద్దు. సమాజానికి హితాన్ని, మంచిని చేసే వ్యక్తులను ప్రోత్సహించుదాం.

నా రచనలు

2010-12-05T05:34:00.000-08:00

Prof. Kodali Srinivas' writings

1.వాస్తు విద్య

VAASTHU VIDYA

(బృహత్ సంహితా భాగానికి విశ్లేషణాత్మక తెలుగు అనువాదం)-2007

జ్యోతిష్య, ఖగోళ శాస్త్రవేత్త ఆర్యభట్ట సమకాలికుడు వరాహమిహిరుని చే ఆరోవ శతాబ్దంలో గ్రంధస్థం చేయబడిన బృహత్సంహిత లోని ఒక భాగమే ఈ వాస్తు విద్య. మూల శ్లోకాలతో పాటు వివరణాత్మకతాత్పర్యం ఇవ్వబడినది. పొట్టి శ్రీరాములు తెలుగు విశ్వవిద్యాలయం ఆర్దిక సహకారం తో తొలిసారి వెలువడిన ఈ గ్రంధం మన ప్రాచీన వాస్తు శాస్త్రాన్ని సంక్షిప్తంగా తెలియజేస్తుంది. ఆనాడు వాస్తు పేరుతో చెప్పబడిన విషయాలు ఏమిటి? అవి ఈనాడు ఎంత వరకు ఉపయోగపడతాయన్న విషయం ఈ గ్రంధం ద్వారా తెలుసుకోవచ్చు. తెలుగులో ప్రాచీన ప్రామాణిక వాస్తు గ్రంధాలు లేని కొరతను ఇది కొంతవరకు తీరుస్తుంది .

పేజీలు : 100

VAASTHULO EMUNDI?

2. వాస్తు లో ఏముంది?

వాస్తు ఫై సమగ్ర పరిశోధనా గ్రంధం - 1997

లేని విషయాన్ని చెప్పటాన్ని అబద్ధం అంటారు.

చిన్న విషయాన్ని పెద్దది చేసి భూతద్దంలో చుపటాన్ని అతిశయోక్తి అంటారు. విషయాన్ని సరిగ్గా అర్థం చేసుకోలేక పోవటాన్ని అవగాహనారాహిత్యం అంటారు. నేడు సమాజంలో విరివిగా అనేక అబద్దాలు, అతిశయోక్తులు వాస్తు పేరుతొ వాస్తవాలుగా చెలామణీ అవుతున్నాయి ఈ అశాస్త్రీయ మైన వాస్తును అనేకమంది అవగాహనారహిత్యంతో అతిగా ఆచరిస్తున్నారు .

ఈశాన్నం లో నుయ్యి ,ఆగ్నేయంలో పొయ్యి ...వాస్తు అంటే ఇదే అనే భ్రమను తొలగించి వాస్తవాన్ని మీముందు ఉంచుతుంది .సాంకేతిక దృష్టితో పరిశీలన జరుపుటవలన శాస్త్రి యమైన వాస్తుఫై స్పష్టమైన అవగాహనను కలుగజేస్తుంది. వాస్తుఫై నమ్మకం ఉన్నా లేకున్నా ప్రతివారు చదువవలసిన గ్రంథం. నిజంగా వాస్తులో ఏముందో తెలుసుకోవాలనుకునే వారికి ఈ గ్రంధం ఉపకరిస్తుంది .
పేజీలు : 240

VAASTHULO VAASTHAVAALU

3. వాస్తు లో వాస్తవాలు

A study on vaasthusasthra - 2001

మెరిసేదంతా బంగారం ఎలాకాదో అలాగే ఈనాడు వాస్తు పేరుతొ చెప్పేవన్ని వాస్తవాలు కావు .నేడు వాస్తు పేరుతొ అనేక విషయాలు వాస్తవాలుగా వర్దిల్లుతున్నాయి.నిజంగా వాస్తులో వాస్తవాలు తెలుసుకోవాలనేవారికి ఈ పుస్తకం మార్గదర్శకంగా ఉపకరిస్తుంది. ప్రాచిన - అర్వాచీన వాస్తు గ్రంధాలను క్షుణ్ణంగా పరిశోధించి ,వాస్తులోని వాస్తవాలాను వెలికితీసిన పరిశీలనా గ్రంధం ఇది.

వాస్తు శాస్త్రాన్ని సాధికారికంగా పరిశీలించి, దానిలోని దోషాలను దాపరికం లేకుండా వివరించినందువల్ల , వాస్తుఫై ఒక అవగాహన కలుగజేస్తుంది .అనవసరపు ఆందోళనతో వాస్తు మరమ్మతులు చేసే ముందు తప్పనిసరిగా చదువవలిసిన గ్రంధం ఇది.
పేజీలు : 58

4. తూర్పు - పడమర

TURPU - PADAMARA

వాస్తు కు నిజమైన నిర్వచనం చెప్పి, చారిత్రిక ఆధారాలతో పాటు శాస్త్రీయ ప్రమాణాలను చూపెట్టిన వ్యాసాల సంకలనం.వీటిలో ఎక్కువ భాగం ఆంధ్ర జ్యోతి దినపత్రిక లో ఏప్రిల్ 2006- 2007ఏప్రిల్ వరకు ఆదివారం అనుభంద పుస్తకం లో ప్రచురించ బడినవి. పాతిక పైగా వ్యాసాల తో పాటు ఆంద్రజ్యోతి పాఠకుల ప్రశ్నలకు ఇచ్చిన సహేతుకమైన సమాధానాలు .

త్వరలో పుస్తకరూపంలో వస్తుంది .

భద్రాచలరామాలయం -వాస్తు దోషాలు

2010-11-30T04:15:00.000-08:00

మూలవిరాట్ విగ్రహం - భద్రాచలం

భక్త రామదాసు చే భద్రాచలం లో 1670 ప్రాంతంలో కట్టబడిన శ్రీ సీతారామచంద్రుల దేవాలయం శిధిలావస్థకు చేరుకోగా 1960 లో శ్రీ కల్లూరి చంద్రమౌళి గారి ఆధ్వర్యంలో క్రొత్తగా నిర్మించారు.రామదాసు కట్టించిన ఆనాటి దేవాలయం నిర్మాణం ఆగమ శాస్త్ర ప్రమాణాలకు విరుద్దంగా ఉన్నట్లు ఆలయ స్థపతి గణపతి స్థపతి చంద్రమౌళి గారి దృష్టికి తీసుకు వచ్చారు. ఆలయాన్ని తిరిగి నిర్మించు తున్నాము కాబట్టి శాస్త్ర ప్రమాణంగా నిర్మిం చితె మంచిదని చెప్పగా వాటిలో సహేతుకమైన వాటిని పాటించాలని చంద్రమౌళి గారు అభిప్రాయ పడ్డారు. ఆనాడు వాస్తు దోషాలుగా భావిస్తున్న వాటిలో ముఖ్యమైనవి,ప్రధానమైనవి మూడు వాస్తు దోషాలు.

౧.ఈ దేవాలయం సింహ ద్వారం పశ్చిమాభిముఖంగా ఉండటం.

సాధారణం గా వైష్ణవ దేవాలయాలు తూర్పు దిశకు అభిముఖం గా నిర్మించటం ఆగమ వాస్తు నియమం.

౨.మూలవిరాట్ విగ్రహం లో లోపాలు ఉండటం.

శ్రీ రామ చంద్రునికి ఎడమ ప్రక్క సీత, కుడి ప్రక్క లక్షమణ స్వామీ ఉండాలి. అయితే లక్షమణ విగ్రహం కుడా ఎడమ ప్రక్కనే ఉంది. సీతమ్మ వారు రాముని తొడపై కూర్చున్న భంగిమ కుడా అరుదు గా ఉంటుంది.

అలాగే శ్రీరామునికి కుడి హస్తం లో ఉండవలిసిన సుదర్శన చక్రం ఎడమ హస్తం లోను, ఎడమ హస్తంలో ఉండవలిసిన శంఖు కుడి హస్తంలోను ఉన్నాయి.

౩.గర్భ గుడి కొలతలలో ఆయ గణిత నియమాలను పాటించక పోవటం.

గర్భ గుడి కొలతలను బట్టి ఆలయం యొక్క ఎత్తు,ఆకారం రూపుదిద్దుకుంటుంది.ఇది ఒక నిర్దిష్ట నిష్పత్తి లో ఉంటుంది.ఈ నిష్పత్తిని బట్టే ఆలయంలో ప్రతి భాగం యొక్క ప్రమాణాలు నిర్ణయించ బడతాయి.

పైన చెప్పబడిన మూడు వాస్తు దోషాలలో మొదటి రెండు దోషాలను సరిచేయటం అంటే రామదాసు కట్టించిన ఆలయ రూపురేఖలు మొత్తం చెదిరిపోయి క్రొత్త ఆలయం మాత్రమే మిగులుతుంది. అందుకే సనాతన ధర్మ సూత్రాలపై అచంచల విశ్వాసం గల శ్రీ చంద్రమౌళి గారు మొదటి రెండు దోషాలను వదిలి మూడో వ దోషం మాత్రం సరిచెయాటానికి అనుమతి ఇచ్చారు. ఈ చివరి తప్పును సరిచెయాటానికి కుడా ఆనాడు కొందరు సనాతన చాందసవాదులు తీవ్ర అభ్యంతరాలు వ్యక్తం చేసి చంద్ర మౌళి గారి కి అడుగడుగునా అడ్డుతగిలారు.

శ్రీ కల్లూరి చంద్రమౌళి

అసూయా,అహంభావ,అభిజాత్య,వర్గ రాజకీయాలు పడగలు విప్పి బుసలు కొట్టాయి.రామదాసు కట్టిన గుడిని చంద్రమౌళి గారు తారు మారు చేస్తున్నారనే వాదం తో 1964 లో అప్పటి ముఖ్య మంత్రి సంజీవ రెడ్డి గుడి పరిశిలనకు ఒక కమిటిని నియమించారు.ఈ విషయం లో తనను కనీసం సంప్రదించకుండా, వాస్తవాలు గమనించకుండా కమిటి వేసినందుకు బాధపడి దేవాలయ కమిటికి దానితో పాటు తిరుమల తిరుపతి దేవస్థానం పాలక మండలి అధ్యక్ష పదవికి,వేమూరు శాసన సభ్యత్వానికి రాజీనామా చేసి విమర్శకుల నోళ్ళు మూయించారు. అసలు సిసలు గానదేయవాదిగా కీర్తి గడించారు. చివరికి సంజీవ రెడ్డి నియమించిన కమిటి కుడా చంద్రమౌళి గారి నిర్ణయం సరైనదేనని చెప్పటంతో ఆలయ పనులు ముందుకు సాగాయి. ఆనాడు భద్రాద్రి రామునికి గుడి కట్టి రామదాసు కస్టాలు పాలు పడిన చందాన చంద్రమౌళి గారు కుడా రాజకీయ కస్టాలు పడ్డారు.
ఆతరువాత 1974లో జలగం వెంగళరావు ముఖ్యమంత్రిగా ఉన్నప్పుడు ఆయన కోరికపై తిరిగి చంద్రమౌళిని రామాలయ ధర్మకర్తల సంఘానికి అధ్యక్షులుగా నియమించారు. వెంటనే విశేషంగా విరాళాలు సేకరించి చిత్రకూట మంటపాన్ని 127 అడుగుల పొడవు, 60 అడుగుల వెడల్పుతో నిర్మించారు. స్థంభాలపై అద్భుతమైన శిల్పలు చెక్కించారు.
ఇలా భద్రాచల పుణ్యక్షేత్రాన్ని పునఃనిర్మించి చంద్రమౌళి గారు అపర రామదాసుగా కీర్తిగాంచారు

అపర భక్త రామదాసు

2010-11-26T03:48:00.000-08:00

శ్రీ కల్లూరి చంద్రమౌళి గారి సేవలలో ముఖ్యమైనది భద్రాచలం గుడి పునర్నిర్మాణం.భద్రాచలం రామాలయం అనగానే స్పురణకు వచ్చే పేరు భక్త రామదాసుగా ప్రసిద్ది చెందిన కంచర్ల గోపన్న.17 వ శతాబ్దంలోరామదాసు చే పునర్నిర్మించిన సీతారాముల దేవాలయం 1960 నాటికి బాగ శిధిలమైంది.

ఆకాలంలో చంద్రమౌళి గారు దామోదరం సంజీవయ్య గారి క్యాబినెట్ లో దేవాదాయ ధర్మాదాయ శాఖ మంత్రిగా నియమితులైయ్యారు. వెంటనే గుడి పునఃనిర్మాణానికి నడుం కట్టారు. ఆయన అధ్యక్షులుగా రామాలయ జీర్ణోద్ధరణ సంఘం ఏర్పాటయింది. చంద్రమౌళి రాష్ట్రం నలుమూలల తిరిగి లక్షలాది రూపాయల విరాళాలు పోగుచేశారు.

భక్త రామదాసు

నాడు భద్రాచలం మారుమూల అటవీప్రాతం. యాత్రీకులకక్కడ ఏ సౌకర్యాలు లేవు. తమిళనాడులోనిరామనాథపురం జిల్లాకు చెందిన శిల్పాచార్యులు గణపతి స్థపతిని ఆహ్వానించారు. ముందుగా కల్యాణమండపం నిర్మించ తలపెట్టారు. సరైన రాయిని తమిళనాడులోని దిండివనంలో గుర్తించారు. కొత్తగూడెం వరకు రైళ్ళలో తెచ్చి అక్కడినుండి గోదావరి వరకు లారీలలో తరలించారు. పెద్ద పెద్ద రాతి శిలలను ఇసుకలో నెట్టుకు వచ్చి లాంచీలలో కెక్కించి అతికష్టంతో భద్రాచలం చేర్పించారు. చంద్రమౌళి నగర్లో 500 శిల్పులు 3 లక్షల ఖర్చుతో సకల కళాశోభితమైన కళ్యాణమండపం నిర్మించారు.
రామాలయానికి దక్షిణాన ఉన్న రంగనాయకుల గుట్టపై రామదాసు ధ్యానమందిరం నిర్మించారు. శిల్పశోభాయమానమైన గోపురాలు నిర్మించారు. దీనిలో ఆరు అడుగుల పచ్చరాయి రామదాసు విగ్రహం ప్రతిష్ఠించారు. రామదాసు కీర్తనలు, భక్తి తరతరాలవారికి తెలియచేసే అపురూప నిర్మాణమిది.ప్రధాన ఆలయాన్ని పూర్తిగా నల్లరాతితో సౌందర్య శిల్పాలతో నిర్మించారు. ఈ రాతిని సమీపములోని తాటియాకుల గూడెంలో సేకరించారు.
మహామండపాన్ని అష్ఠలక్ష్ములు, దశావతారాలు, ఆళ్వారుల శిల్పాలతో అలంకరించారు. 32 టన్నుల ఏకశిలతో ఆలయ విమానం ఏర్పాటుచేశారు. ఈ విమానం మూడు అంతస్తులు కలిగి అన్ని దేవతామూర్తుల శిల్పాలతో శోభాయమానమైంది.

ఆలయ నిర్మాణం లో దోషాలు?

KALLURI CHANDRAMOULI - 1955

ఇంతటి మహా కార్యాన్ని భుజాలపైకి ఎత్హుకున్న చంద్రమౌళి గారికి ప్రత్యర్దుల నుండి కువిమర్శలు ఎదురైనాయి. భక్త రామదాసు కట్టించిన ఆలయ కొలతలు వదలి స్వంత కొలతలతో గుడి కట్టుచున్నరన్న వాదన తో అలజడి చేసి భక్తులలో అనుమానపు బీజం నాటారు.దీనిపై నిజ నిర్ధారణ చేయటానికి ఒక కమిటిని అప్పటి ముఖ్య మంత్రి సంజీవరెడ్డి వేసారు.ఈ విషయం లో చంద్రమౌళి గారిని కనీసం సంప్రదించకుండా ,వాస్తవాలను ప్రక్కన పెట్టి కేవలం రాజకీయ కోణం లో తీసుకున్న తప్పుడు పనికి కినిసి దేవాలయ జీర్ణోద్దారణ కమిటి అద్యక్ష పదవి తో పాటు వేమూరు శాసన సభా స్థానానికి MLA రాజీనామా చేసిన నిష్కలంక గాన్దేయావాది చంద్రమౌళి గారు.

నిజానికి రామదాసు నిర్మించిన ఆలయ నిర్మాణంలో వాస్తు దోషాలు చాలా ఉన్నాయి. వాటిలో చాలావరకు సరిదిద్దలేనివి. వాటిలో గర్భ గుడి కొలతలు మాత్రమే ఆగమ వాస్తు ప్రకారం సరిచేసి కట్టటం జరిగినది.

1974లో జలగం వెంగళరావు ముఖ్యమంత్రిగా ఉన్నప్పుడు ఆయన కోరికపై తిరిగి చంద్రమౌళిని రామాలయ ధర్మకర్తల సంఘానికి అధ్యక్షులుగా నియమించారు. వెంటనే విశేషంగా విరాళాలు సేకరించి చిత్రకూట మంటపాన్ని 127 అడుగుల పొడవు, 60 అడుగుల వెడల్పుతో నిర్మించారు. స్థంభాలపై అద్భుతమైన శిల్పలు చెక్కించారు. ఈ మంటపములో సంగీత సాహిత్య గోష్ఠులు నిర్వహిస్తున్నారు.ఈ విధంగా భద్రాచల పుణ్యక్షేత్రాన్ని పునఃనిర్మించి చంద్రమౌళి గారు అపర రామదాసుగా కీర్తిగాంచారు

శ్రీ కల్లూరి చంద్రమౌళి గారి అభిమానులకు విజ్ఞప్తి

2010-11-25T03:33:00.000-08:00

Kalluri Chandramouli
1898-1992

గుంటూరు లోను మరియు మోపర్రు లోను శ్రీ కల్లూరి చంద్రమౌళి గారి విగ్రహ ప్రతిష్ట చేయాలని వారి అభిమానులు తలంచి, ఈ కార్యక్రం లో పాలు పంచుకోవలిసినిదిగా శ్రీ కల్లూరి చంద్రమౌళి గారి అభిమానులకు విజ్ఞప్తి చేయుచున్నారు. ఈ కార్యక్రంలో ఒక భాగంగా చంద్ర మౌళి గారిపై పై ఒక ప్రత్యేక సంచిక వెలువరించాలని చంద్ర మౌళి విగ్రహ కమిటి భావిస్తుంది.శ్రీ చంద్రమౌళి గారి జీవిత విశేషాలు,వారి రచనలు, ఫోటోలు సేకరించాలని తలంచినాము. ఈ విషయం లో మీ సహాయ సహకారాలు అందించ వలిసిందిగా విజ్ఞప్తి చేయుచున్నాము.

గుంటూరులో చంద్రమౌళి నగర్ అనగానే గుర్తుకు వచ్చే వ్యక్తి శ్రీ కల్లూరిచంద్రమౌళి.చంద్రమౌళి గారి సహాయ సహకారాలతో రూపుదిద్దుకున్న ఈ కాలని నేడు గుంటూరులో ఒక ప్రముఖ నివాస ప్రదేశంగా అభివృద్ధి చెందింది.త్వరలో శ్రీ చంద్ర మౌళి గారి కాంస్య విగ్రహాన్ని చంద్రమౌళి నగర్ ఫస్ట్ లైన్,రింగ్ రోడ్ కూడలిలో ప్రతిష్టించనున్నారు.వారి గౌరవార్దం ఒక ప్రత్యక తపాల కవరు విడుదల చేయటానికి కుడా ప్రయత్నాలు చేస్తున్నారు.రాజకీయ విలువలు దిగజారి పోతున్న నేటి రోజులల్లో ఆ మహనీయుని గురించి తెలుసుకోవాలిసిన ఆవశ్యకత ఎంతో ఉంది.

శ్రీ కల్లూరి చంద్రమౌళి(Kalluri chandramouli, 1898-1992) :

నిష్కలంక దేశ భక్తుడు ,గాన్దేయ వాది, స్వాతంత్ర్య సమరయోధుడు, తొలితరం ఆంధ్ర ప్రదేశ్ రాజకీయ నాయకుడు. ఈయన సంయుక్త మద్రాసు రాష్ట్రములోను, ఆంధ్ర రాష్ట్రములోనూ, ఆంధ్ర ప్రదేశ్ లోనూ మంత్రిపదవి నిర్వహించాడు. తిరుమల తిరుపతి దేవస్థానములకు అధ్యక్షునిగా కూడా పనిచేశాడు. తాను నమ్మిన విలువలకు విఘాతం కల్గిందన్న భాదతో యమ్.యల్. ఎ. పదవికి రాజీనామా చేసిన ఉన్నత మైన రాజకీయ నాయకుడు.

కల్లూరి చంద్రమౌళి గారు 1898 నవంబరు 15న గుంటూరు జిల్లా అమృతలూరు మండలములోని మోపర్రు గ్రామములో జన్మించారు. తల్లిదండ్రులు వెంకమాంబ, సుదర్శనం. 1920లో ఇంగ్లాండు వెళ్ళి వ్యవసాయ శాస్త్రంలో పట్టా పొందారు. స్కాట్లాండు విశ్వవిద్యాలయము నుండి విద్యనభ్యసించిన చంద్రమౌళి భారతదేశానికి తిరిగివచ్చి వ్యవసాయభివృద్ధికై కృషిచేశాడు. కాంగ్రేస్ పార్టీలో చేరి గుంటూరు జిల్లా కాంగ్రేసు కమిటీ అధ్యక్షుడైనాడు. బాల్యము నుండి భారతీయ సంస్కృతి సంప్రదాయాలంటే ఇష్టం.1926లో ఉద్యోగాన్ని నిరాకరించి మహాత్మా గాంధీ నాయకత్వంలో అన్ని జాతీయోద్యమాలల్లో పాల్గొని అనేకసార్లు జైలు కెళ్ళారు.1937,1946,1955,1962లలో శాసనసభకు ఎన్నికై నారు. మద్రాసు ప్రావిన్సులో రామస్వామి రెడ్డియార్, కుమారస్వామి రాజ మంత్రి వర్గంలోనూ ,మద్రాసు నుండి విడిపోయిన తరువాత ఏర్పడ్డ ఆంధ్ర రాష్ట్రం లో బెజవాడ గోపాలా రెడ్డి మంత్రి వర్గం లోను, ఆతరువాత ఆంధ్ర ప్రదేశ్ లో సంజీవయ్య గారి మంత్రి వర్గం లో మంత్రిగా పనిచేశారు. భారతరాజ్యాంగ సభ సభ్యులు. దేవాలయాల అభివృద్ధికి విశేష కృషి చేశారు. శ్రీశైలం, భద్రాచలం దేవాలయాల జీర్ణోద్ధరణ గావించారు. భద్రాచల పుణ్యక్షేత్రాన్ని పునఃనిర్మించి చంద్రమౌళి గారు అపర రామదాసుగా కీర్తిగాంచారు.

తిరుపతిలో విశ్వ సంస్కృతసదస్సు నిర్వహించారు. మంచి గ్రంధ రచయిత. ఆర్ష విద్యాలంకార అనే బిరుదాంకితుడు.

రచనలు:

రామాయణసుధాలహరి, రామకధానిధి, సీతామహాసాధ్వి, వివేకానందస్వామి, యుగసమీక్ష, ఆండాళ్ వైభవం, వేదసుధాకరం, ఆర్షసంస్కృతి, భాగవతసుధ, ఉజ్వల తరంగిణి,భారతీయ ప్రతిభ,నానా దేశ రాజ్యాంగములు,రైతు రాజ్యంగా నిర్మాణ సంఘం మున్నగు పుస్తకాలు రచించారు

1992 జనవరి 21న చంద్రమౌళి తన స్వ గ్రామం మోపర్రులో పరమపదించారు

హిత వచనాలు..ఖలీల్ జిబ్రాన్

2010-11-08T03:01:00.000-08:00

మీ పిల్లలు మీ సొంతం అనుకోకండి
వాళ్ళు మీ జీవితేచ్చకు
జన్మించిన వాళ్ళు .
వాళ్ళు మీ ద్వారా వచ్చారు తప్ప
మీ నుండి కాదు .
వాళ్ళు మీతో ఉన్నా మీకు చెందరు
మీరు వాళ్ళతో ఉండాలని ప్రయత్నిస్తే ప్రయత్నించారు గాక,
వాళ్ళు మీలా ఉండాలని మాత్రం అనుకోకండి.
ఎందుకంటే జీవితం
వెనక్కు మళ్ళదు గనకా,
నిన్నటితో మళ్ళీ అతుక్కుపోదు గనకా

..ఖలీల్ జిబ్రాన్

నవయుగాల బాట - నార్ల మాట !

2010-10-11T23:50:00.000-07:00

నార్ల వెంకటేశ్వరరావు (1908 - 1985 )

తెలుగునాట ప్రముఖ పాత్రికేయులు మరియు రచయిత. ఆంధ్రప్రభ, ఆంధ్రజ్యోతి పత్రికలకు చాలా కాలం సంపాదకులుగా ఉన్నారు. పత్రికా రచనలే కాక వారు పలు నాటికలు, కవితలు మరియు కొన్ని కథలు రాసారు. ఆయన వివిధ దేశాల చరిత్రల రచన చేసినా, ఎందరో మహానుభావుల జీవితాలను చిత్రించి సామాన్య ప్రజానికి పరిచయం చేసినా - మరేది చేసినా జర్నలిజానికి ఎనలేని సేవ చేసారు. హేతువాది గా, మానవతావాది గా జీవించారు. వేల సంఖ్యలో వైవిధ్యభరితమైన వ్యాసాలు రాసారు.

సమాజంలో తరాలుగా పాతుకుపోయిన అంధవిశ్వాసాలను, సంప్రదాయాలను ప్రశ్నిస్తూ 'సీతజోస్యం' రాశారు.రామాయణాన్ని; రామ, రావణ యుద్ధాన్ని ఆయన ఆహారోత్పత్తి వ్యవస్థకు, ఆహార సేకరణ వ్యవస్థకు మధ్య సంఘర్షణగా వ్యాఖ్యానించారు. అగ్రకులాధిపత్యానికి, ఆధిపత్యభావజాలానికి సవాలు విసురుతూ 'శంభూక వధ' రాశారు. బౌద్ధమతాన్ని నమ్మి ఆచరించి; స్వచ్ఛమైన హేతువాదిగా జీవించారు. రచనలో సూటిదనం, గడుసుదనం, వ్యంగ్యం, చమత్కారం, లోకజ్ఞత, సమయజ్ఞత సమపాళ్ళలో ఉండేవి. నీళ్ళు నమలడం ఆయనకు చేతకాదు. మర్యాదలు పనికిరావు. ముక్కుమీద గుద్దినట్టు రాయడం ఆయన ప్రత్యేకత. 'బుద్ధి చెప్పువాడు గుద్దితేనేమయా' అన్న వేమన అభిప్రాయాన్ని అక్షరాలా అమలు చేసి పత్రికా రచయిత ఆయన.

నార్ల రచనలు :

సీతజోశ్యం
జాబాలి
నరకంలో హరిశ్చంద్రుడు
ద్రౌపది
హిరణ్యకశ్యపవధ
నవయుగాలబాట నార్ల మాట
నార్ల రచనలు 1 - దేశ చరిత్రలు
నార్ల రచనలు 2 - సాంఘిక నాటికలు, వ్యాసాలు
నార్ల రచనలు 3 - పౌరాణిక నాటికలు
నార్ల రచనలు 4 - సాహిత్య రచనలు
నార్ల రచనలు 5 - సంస్కృతి, సాహిత్యం, మతం
నార్ల రచనలు 6 - వర్తమాన సంఘటనలు
నార్ల రచనలు 7 - జీవిత చిత్రణలు
ఆంగ్ల రచనలు
The truth about the Geetha 1988
An essay on the upanishads 1989
Gods and goblins
East and west
Intellectual poverty in India
నార్ల వారి మాటలు
యొక్కలతో తెలుగుభాష డొక్క పొడవొద్దు.
ఎంత గొప్పవాడైనా వస్తాడేకాని విచ్చేయడు.
సంపాదకుడు అనొద్దు ఎడిటర్ అనండి.
బడు వాడేవాడు బడుద్ధాయి.

నవయుగాల బాట - నార్ల మాట!

ప్రకృతినే జయించి, పరమాణువును చీల్చి

శాస్త్రవేత్త కూర్చే సకల సిరులు,

రాజకీయ వేత్త రణమును కూర్చెరా!

నవయుగాల బాట - నార్ల మాట !

కంపు వెధవ కుడా ఘనుడుగా చెల్లును

అంతులేని భాగ్య మబ్బినంత:

అనగిపోదే కంపు అత్తరు పూతతో !

నవయుగాల బాట - నార్ల మాట !

ఎట్టి జంకు లేక ఎ గడ్డినైనను

కొరుకువాడే నేడు గొప్పవాడు;

కొరకనట్టి వాడు కొరగాని వాడురా!

నవయుగాల బాట - నార్ల మాట!

అయోధ్య తీర్పు - పారా హుషార్

2010-10-02T06:00:00.000-07:00

ఇరు మతాల వారి మద్య సయోధ్య చేయటానికి అలహాబాద్ హైకోర్టు ఇచ్చిన అయోధ్య తీర్పు అమోదించ దగ్గదే. దీనిద్వారా లబ్ది పొందలేమనే రాజాకియులు అప్పుడే రాద్దాంతం మొదలు పెట్టారు.1500 గజాల చిన్న స్థలం పై మరల ఇరు మతాల వారిలో ఆవేశ కావేషాలు రగల్చి,ఆమంటలలో ఓట్ల పండుగ చేసుకోవటానికి నీచ రాజకీయం కాచుకు కూర్చుంది. ఈ గుంట నక్కలు అయోధ్య లో మసీదు-మందిరం ల మధ్య రగిలిన చితి మంట ఆరిపోకుండా తలా ఒక పుల్ల వేస్తూనే ఉంటారు. ఈ కేసు సుప్రీం కోర్టు వెళ్ళినా ఆ తరువాత అది ఎ తీర్పు ఇచ్చిన అది అమలు అవుతుందా అనేది కుడా ప్రశ్నార్ధకమే! తీర్పు ఏదైనా శిరాసావంచమనే పెద్దలు రేపు తమకు అనుకూలంగా తీర్పు లేకపోతే దేశాన్ని తిరిగి రావణ కాష్టం చేయరన్న గ్యారింటి ఏమి లేదు. కాబట్టి ఇరు మతాల వారు ఈ రాజకీయ ఉచ్చులో పడకుండా అయోధ్య తీర్పును మార్గ దర్శకంగా కోర్టు బయట పెద్ద మనుషుల ఒప్పందం చేసుకుంటే దేశానికి,జాతికి శుభం.ఈ విషయంలో మన శాంతి భగ్నం కలిగించే గుంట నక్కలు పొంచిఉన్నారు - ప్రజలారా ! పారా హుషార్!!

ప్రపంచ శాంతి కొరకు ప్రతిజ్ఞ

2010-09-19T07:31:00.000-07:00

సర్వేజనా సుఖినో భవంతు !

ప్రపంచ శాంతి దినోత్సవ సందర్బంగా 21 -09 -2010 న ఉదయం 11 .౦ గంటలకు ప్రపంచ వ్యాప్తంగా జరుగుతున్న శాంతి కార్యక్రం లో అందరూ పాల్గొనండి.అందరూ సుఖంగా, శాంతి గా ఉండాలని కోరుకుంటూ శాంతి ప్రతిజ్ఞ చేద్దాం.

శాంతి ప్రతిజ్ఞ

"ప్రపంచ శాంతిని కాంక్షిస్తూ,

నేను శాంతి గా ఉంటానని,

అందరి శాంతిని కోరుకుంటానని,

అందరి శాంతికి సహకరిస్తానని,

ఎవరి శాంతిని భంగపరచనని

ప్రతిజ్ఞ చేస్తున్నాను".

మూఢ నమ్మకాల నుండి విముక్తి ఎప్పుడు?

2010-09-18T02:53:00.000-07:00

నల్గొండ జిల్లా ఒక కుగ్రామం లో బాణామతి/ చేతబడి పేరుతో చదువు సంద్యలు లేని ఇద్దరు వృద్దులను( ఒకరు గొర్రెల కాపరి, మరొకరు కాపాలాదారుడు ) సజీవ దహనం చేసిన సంఘటన ఇంకా మన సమాజం లో పాతుకుపోయిన మూఢ విశ్వాసాలకు సజీవ సాక్షం గా దర్శనమిస్తుంది. సరైన వైద్యం అందక అనారోగ్యం తో చనిపోతే దానికి క్షుద్ర శక్తుల ను ప్రయోగించాటమే కారణం అనే మూఢ నమ్మకం వల్ల ఇలాంటి దురదృష్టకర సంఘటనలు జరుగుతూ వున్నాయి. మారు మూల పల్లెలలో లోతుగా పాతుకుపోయిన ఇలాంటి విశ్వాసాలను తొలగించటానికి విశేషమైన కృషి చేయ వలిసిన బాద్యత విద్యావంతులందరి పైనా ఉంది. పెత్తందారి వ్యవస్థ నుండి,మత దురహంకారుల నుండి విమోచనం పొంది ఆరు దశాబ్దాలు గడిచినా తెలంగాణా ప్రజలకు ఇంకా మూఢ విశ్వాసాల నుండి విమోచన కలగక పోవటం సిగ్గు చేటు.తెలంగాణా లో తరుచు జరుగుతున్న ఈ అనాగరిక ,ఆటవిక విశ్వాసాలను సమూలంగా నాశనం చేసేలా ఒక ఉద్యమంగా ప్రజా సంఘాలు,హేతువాదులు కృషి చేయాలి.అవిద్య,అజ్ఞానం ల నుండి విముక్తి కలిగేలా ఈ ఉద్యమం సాగాలి.

ఇంజినీర్స్ డే శుభాకాంక్షలు !

2010-09-14T05:49:00.000-07:00

“ Remember, your work may be only to sweep a railway crossing, but it is your duty to keep it so clean that no other crossing in the world is as clean as yours." సర్ M.విశ్వేశ్వరయ్య

సాంకేతిక విజ్ఞానాన్ని సమాజానికి అందించే అపర బ్రహ్మలకు

'ఇంజినీర్స్ డే శుభాకాంక్షలు'

గురుదేవో భవ !

2010-09-04T22:52:00.000-07:00

గురుదేవో భవ !

విద్య తో పాటు జ్ఞానాన్ని,విజ్ఞాన్ని,వివేకాన్ని, వినయాన్ని,మంచితనాన్ని, మానవత్వాన్ని నేర్పే గురువులందరికీ వందనాలు.

మంచి ఉపాద్యాయుడు ఎలా ఉండాలో ఒక విద్యార్ది తండ్రిగా అబ్రహం లింకన్ వెలుబుచ్చిన అభిప్రాయాలు ఒకసారి మననం చేసుకుందాం.

Abraham Lincoln's letter to his son's teacher

He will have to learn, I know, that all men are not just,
all men are not true.
But teach him also that for every scoundrel there is a hero;
that for every selfish Politician, there is a dedicated leader...
Teach him for every enemy there is a friend,
Steer him away from envy,
if you can,
teach him the secret of
quiet laughter.
Let him learn early that
the bullies are the easiest to lick... Teach him, if you can,
the wonder of books...
But also give him quiet time
to ponder the eternal mystery of birds in the sky,
bees in the sun, and the flowers on a green hillside.
In the school teach him
it is far honourable to fail
than to cheat...
Teach him to have faith
in his own ideas,
even if everyone tells him
they are wrong...
Teach him to be gentle
with gentle people, and tough with the tough.
Try to give my son
the strength not to follow the crowd
when everyone is getting on the band wagon...
Teach him to listen to all men...
but teach him also to filter
all he hears on a screen of truth,
and take only the good that comes through.
Teach him if you can, how to laugh when he is sad...
Teach him there is no shame in tears,
Teach him to scoff at cynics
and to beware of too much sweetness...
Teach him to sell his brawn
and brain to the highest bidders
but never to put a price-tag on his heart and soul.
Teach him to close his ears
to a howling mob
and to stand and fight
if he thinks he's right.
Treat him gently,
but do not cuddle him,
because only the test of fire makes fine steel.
Let him have the courage
to be impatient...
let him have the patience to be brave.
Teach him always
to have sublime faith in himself,
because then he will have sublime faith in mankind.
This is a big order,
but see what you can do...
He is such a fine fellow,
my son!

రాశి ఫలితాలు - నిజానిజాలు

2010-08-02T22:25:00.000-07:00

గత నెల లో ఈ బ్లాగులో కామెంట్స్ లో ప్రచురించిన జూలై రాశిఫలితాలు -2010 , నా రాశి (జ్యోతిష్య లెక్క ప్రకారం) 'కర్కాటం' లో పుట్టినవారికి ఫలితాలు ఇలా ఉన్నాయి.

కర్కాటక రాశి: రెండవ వారం నుంచి మీ కార్యక్రమాలు ఒక ఊపు అందుకుంటాయి. కళ్ల విషయంలో జాగ్రత్త వహించాలి. మీకంటే చిన్నవారు వాద్వివాదాలకు దిగగలరు.ఇంటర్వ్యూలకు వెళ్లే వారికి మంచి ఫలితాలుండగలవు.రసాయనాలతో పని చేసే వారు జాగ్రత్తలు వహించాలి.గతం, స్వగతం కంటే ప్రస్తుతం ఉన్న కాలాన్ని గమనించి ముందుకు సాగవలసిన అవసరం ఉన్నది. సుబ్రహ్మణ్య కవచం చదవండి.

చిత్రమేమంటే పైన పేర్కొన్న ఫలితాలలో ఎఒక్కటి నిజం కాలేదు. ఇదండీ రాశి ఫలితాల నిజ రూపం. దీనికి కొందరు "రాశి ఫలితాలు రాయటం రానివాడు రాసినవి కాబట్టి అవి మీకు సరిపోలేదని " అంటారు. ఇక్కడ శాస్త్రాన్ని దోషిగా నిలపకుండా జ్యోతిష్కుని దోషిగా నిలబెడతారు. ఈ వాదం లో వాస్తవం గ్రహించ గలరు.

ఇక పోతే ఆగష్టు మాసం రాశి ఫలితాలు కుడా వచ్చాయి. నా వాదన తో ఏకీభవించని వారు వాటిని కుడా మరో సారి బేరీజు చేసుకొని నిజాన్ని గ్రహించాలని విజ్ఞప్తి.

రాశి ఫలితాలు - ఆగష్టు 2010

మేష రాశి: అసంతృప్తి నుండి బయట పడతారు.మాసం మధ్యలో దూరప్రయాణం సంభవం. మాసం చివర కొత్త పనులు చేపట్టగలరు.మీకంటే చిన్నవారి ఆరోగ్యం ఆలోచింపచేస్తుంది.పెద్దలు సహకరిస్తారు.పుకార్లను నమ్మటం మంచిది కాదు.అలసట వలన తొందరపాటు ఆలోచనలకు గురి కాగలరు. ఈ మాసం మంచి ఫలితాలను ఇవ్వగలదు.కలసి వచ్చే సంఖ్యలు 1,11.

వృషభ రాశి: అదృష్టం కలసివచ్చే మాసం.ఇంటిలో సౌఖ్యం బాగుండగలదు.కుటుంబ సభ్యుల పురోగతి బాగుంటుంది. గతంలో వ్రాసిన ఒక డాక్యుమెంట్ చర్చలోకి రాగలదు.మీరు సాధించదలచుకున్నది మంచిదైనప్పటికీ దానికి అవలంబిస్తున్న మార్గం సరైనది కాకపోవచ్చు.పధ్ధతి మర్చవలసిన అవసరం ఉన్నది. విద్యార్థులు రాణిస్తారు.చుక్కెదురు అనుకున్న వారు మాట కలుపుతారు.కొన్ని సందర్భాలలో తొందర పడతారు.పలుకుబడిగల మిత్రులు సహాయం చేస్తారు.ఈ మాసం కలసి వచ్చే అంకెలు 7,12.

మిఠున రాశి: దైవీకమైన అనుభవాలు ఆలోచింపజేస్తాయి.ఉద్యోగంలో రాణిస్తారు.ఆరోగ్యం బాగుంటుంది.ఇంటిలోని వారికి వివాహ ప్రయత్నాలు ఫలించగలవు.భాగస్వాములతో విభేదాలు తగ్గగలవు.కొత్త పనులు చేపడతారు.కొందరు రాజీ పడటానికి వస్తారు.పిల్లలు పోటీలలో మంచి ఫలితాలు పొందుతారు. మాసం పూర్వార్థంలో పెట్టుబడులు రాణించగలవు.రాజకీయలలో ఉన్న వారు వారి మీద వారికి తెలియకుండా జరుగుతున్న పర్యవేక్షణల పట్ల జాగ్రత్త వహించాలి. దుర్గా సప్తశ్లోకి చదవండి. ఈ మాసం మంచి సంఖ్యలు 5,10.
కర్కాటక రాశి: అజీర్ణం వలన కొంత ఇబ్బంది పడగలరు.రావలసిన సమాచారం అందగలదు.సత్కర్మలందు ఆసక్తి కలుగుతుంది.బంధువుల రాక ఉండవచ్చు.ఒక అనుకోని సంఘటన ఎదురవ్వగలదు.చివరకు మంచే జరుగుతుంది.డబ్బు విషయంలో జాగ్రత్త వహించాలి.ఒకరికి సహాయం చేయలేకపోయినందుకు విచారిస్తారు. నిరుద్యోగులకు మంచి అవకాశాలున్నాయి.ఒక రంగాన్నే ఎంచుకున్న వారికి కొంత నిరాశ ఎదురు కాగలదు.విష్ణు సహస్రనామం చదవండి.మంచి సంఖ్యలు 2,12.
సింహ రాశి: ప్రభుత్వోద్యోగులకు,విద్యా రంగంలో ఉన్న వారికి మంచి మాసం.వ్యాపారులకు కొత్త వస్తువులతో నూతన అవకాశాలు రాగలవు. సన్నిహితులతో ఒక వివాదం ఏర్పడగలదు.మనసు నొప్పించే మాటలకు దూరంగా ఉండాలి.వ్యంగ్యం ససేమిరా పనికిరాదు.ఖర్చులు బాగానే ఉన్నా ఆదాయం కూడా బాగానే ఉంది.మాసం మధ్యలో ఒక ఒప్పందానికి రాగలరు.ఇంటి విషయంలో ఖర్చు చేస్తారు.కొంత లాభాపేక్ష తగ్గిస్తే దీర్ఘకాలీనమైన లాభాలుండగలవు. ఈ మాసం మంచి సంఖ్యలు 9,19.
కన్య రాశి: అనుకున్న చోటుకు బదిలీ కాగలదు.మీ ప్రతిభ మెప్పు పొందుతుంది.మీరు తలపెట్టిన సరికొత్త కార్యక్రమం విజయవంతమవుతుంది. కొత్త పరిచయాలు ఏర్పడతాయి.జమా ఖర్చులు ఒక్క సారి సరి చూసుకోవలసిన మాసం.కొత్త దంపతులకు కుటుంబ సౌఖ్యం,సంతాన లాభం ఉండగలదు.వ్యవసాయ రంగం లోని వారికి అభివృధ్ధి బాగుంది. జీవితభాగస్వామి ఆరోగ్యం పట్ల శ్రధ్ధ వహించాలి. శ్రీసూక్తం చదవండి.మంచి సంఖ్యలు 6,14.
తుల రాశి: స్థానచలనం ఉండగలదు.స్త్రీలకు ప్ర్త్యేకమైన లాభదాయక మాసం. రాజకీయాలలోని వారికి మాసం ప్రారంభంలో అనుకోని సంఘటనలు,ప్రతిఘటనలు ఎదురు కావచ్చు. మాసం మధ్యనుండి పరిస్థితులు అనుకూలించగలవు. వ్యాపారులకు విదేశీ అవకాశాలు బాగున్నాయి. వృత్తులలోని వారికి మంచి గుర్తింపు లభించగలదు. మంగళవారాలు సంతకాలు చేయటం కానీ వివాదాలలోకి వెళ్లటం కానీ మానుకోవటం మంచిదని సూచించుట అయినది. కలసి వచ్చే సంఖ్యలు 6,17.
వృశ్చిక రాశి: ఈ మాసం మంచి ఉత్సాహంతో ప్రారంభం కాగలదు. మిత్రుల మధ్య విభేదాలు ఏర్పడటం వలన మీకు కొన్ని అదనపు బాధ్యతలు సంక్రమించగలవు. మాసం మధ్యలో కొన్ని అద్భుతమైన అవకాశాలు లభించగలవు. ఒక దీర్ఘకాలీనమైన సమస్య పరిసమాప్తి కాగలదు.పెద్దల ఆరోగ్యం పట్ల జాగ్రత్త వహించాలి. సరైన వైద్యం వలన పూర్తి నివృత్తి పొందగలరు. పబ్లిక్ తో వ్యవహారం చేసే వారికి ఒక సూచన ఉన్నది. మీ కరచాలనం తీరును గమనించి కొద్దిగా మార్పు చేసుకోవటం అవసరం…కలసి వచ్చే సంఖ్యలు 12,14.
ధను రాశి: ఉద్యోగంలో మార్పులు తప్పవు. పై అధికార్ల బదిలీల వలన కొన్ని కొత్త సమస్యలు తలెత్త గలవు. స్త్రీలకు సంబంధించిన వస్తువులతో వ్యాపారం చేసె వారికి మంచి లాభాలున్నాయి.ఒక స్థిరాస్తి వ్యవహారం కొన్ని కొత్త మలుపులు తీసుకోగలదు. దాన ధర్మాలకు మాసం చివర వారం వెచ్చిస్తారు. మీడియా వర్గం వారికి కొత్త అవకాశాలుండగలవు. ఇంటి కాగితాల మీద ఋణాలకు ప్రయత్నిస్తున్న వారు తగు జాగ్రత్తలు వహించాల్సిన మాసం. శివుడికి అభిషేకం చేయించాలి. మంచి సంఖ్యలు 5,21.
మకర రాశి: నమ్మించి మోసం చేసే వారికి దూరంగా ఉండవలసిన మాసం. ఇ-మెయిల్, లేదా ఇతర మాధ్యమాల ద్వారా వచ్చు సమాచారాన్ని జాగ్రత్తగా పరిశీలించవలసిన అవసరం ఉన్నది. బంధు వర్గం లో తలెత్తే వివాదాలను పరిశీలించి వదిలేయండి. కొత్త ప్రదేశాలు చూస్తారు. సంగీత నృత్య రంగాలలోని వారికి మంచి ఫలితాలుండగలవు. విద్యార్థులు అధికంగా శ్రమించాలి. మాసం చివర విలాసానికి సమయం వెచ్చిస్తారు. కలసి వచ్చు సంఖ్యలు 17,20.
కుంభ రాశి: నీటి కాలుష్యం చేత ఆరోగ్యం దెబ్బ తినగలదు. జాగ్రత్త వహించాలి.అధికమైన ఆలోచన, శ్రమ వలన శారీరిక సౌఖ్యం తగ్గ వచ్చు.ఒక ప్రయాణం మానుకోవలసి రాగలదు. సోదరీమణుల విషయం లో నిర్ణయం తీసుకోవలసి రాగలదు. కొంత కాలం వేచి తగు నిర్ణయం తీసుకోవటం మంచిది. ఉపాసన మార్గం లో ఉన్న వారికి మంచి అనుభూతులు ఉండగలవు. మీ విశ్లేషణా యుక్తులు మీకు తగు గౌరవాన్ని ఇవ్వగలవు. హనుమాన్ చాలీసా చదువగలరు. కలసి వచ్చు సంఖ్యలు 15,24.

మీన రాశి: సంతానం పురోగతి బాగుంది. మీకు ఇష్టం లేని పని చేయవల్సి వచ్చినందుకు కష్టంగా ఉండగలదు. మార్కెటింగ్ రంగం లో ఉన్న వారికి సదవకాశాలున్నాయి. మీ మాటకారితనం ఆకట్టుకుంటుంది. ఒక మార్పును తగు రీతిలో గుర్తించి ముందుకు వెళతారు. మీ మంచితనాన్ని ఇతరులు గుర్తించలేదనే బాధ మిగులగలదు. లోకం మంచి చెడుల మీద నడవదు! కేవలం వ్యవహారఙ్ఞానం మీద వ్యక్తులు ప్రవర్తిస్తారు. గమనించగలరు. కలసి వచ్చు సంఖ్యలు 25,27.

నక్షత్రాలు - జాతకాలు

2010-07-02T02:19:00.000-07:00

జ్యోతిష్యం లో నక్షత్రాల పాత్ర , దాని శాస్త్రీయతను తెలుసుకుంటే గాని జాతకాల అసల గుట్టు అర్దం అవదు.

1. ఆకాశంలో మనకు కనపడే నక్షత్రాలు ఎన్ని? కనపడనవి ఎన్ని? వాటిలో జ్యోతిష్య శాస్త్రం లో ప్రస్తావించిన 27 నక్షత్రాలకు ఉన్న ప్రత్యేకతలు ఏమిటి?

2. జన్మ నక్షత్రానికి, నామ నక్షత్రానికి, జాతకాలకి ఉన్న సంభందం ఏమిటి? జన్మ నక్షత్రాన్ని బట్టి బిడ్డ పేరుఎందుకుండాలి?

3. నక్షత్రాలను 12 రాశులగా ఎందుకు విభజించారు? వాటి కి మేషం, వృషభం... వంటి పేర్లు ఎందుకు పెట్టారు? చైనావారి రాశులకు వాటికి తేడాలు ఎందుకున్నాయి?

4. రాశి ఫలాలు, గ్రహ ఫలాలు ఒకటేనా?

5. పుట్టిన తేదిని బట్టి జన్మ రాశి ని నిర్ణయించటం ఒప్పు అవుతుందా?

6. ప్రపంచ జనాభా 700 కోట్ల మంది అంతా ఈ 12 రాశులలో ఉంటారు కదా , అందరి జాతకాలు ఇంచు మించు 12 విధాలగా ఉంటుందా? పత్రికలలో ప్రచురించే రాశి ఫలాలు సరైనవేనా?

7. నక్షత్రాల నుండి వచ్చే కాంతి మనకు చేరటానికి పట్టే సమయం గురించి జ్యోతిష్య శాస్త్రం లో ఏమైనా చెప్పబడిందా?

8. కాలం గడిచే కొద్ది భూ అక్షం లో వచ్చే మార్పులు (ప్రిసేషణ్ అఫ్ ఈక్వినాక్సేస్ ) రాశి ఫలితాల పై ప్రభావంచూపుతుందా, లేదా?

9. నక్షత్రాలలో స్త్రీ, పురుష భేదములు ఉన్నాయా?

10. నక్షత్రాల ఆకర్షణ భూమిపై ఎంత ఉంటుంది?

జ్యోతిష్యం-నవ గ్రహాలూ

2010-06-26T22:09:00.000-07:00

జ్యోతిష్యాని ప్రాణం పోసే నగ్రహాల గురించి కొన్ని వాస్తవాలు తెలుసుకోవాలిసిన విషయాలు ఉన్నాయి. వాటిలో ముఖ్య మైన వాటిని కొద్దిగా పట్టి చూద్దాం.

01) నవ గ్రహాలుగా పిలవబడే వాటిలో గ్రహాలు నిజంగా ఎన్ని?

02) ఈ గ్రహాలు జడములా? చైతన్యములా?

03) పురాణాలలో నవగ్రహాల వర్ణన ఎలా ఉంది? ఈ గ్రహాల మద్య ఉన్న సంభంద బాధవ్యాలు ఏమిటి?

04) ప్రాణం ఉన్న జీవుల వలె ఈ గ్రహాల మధ్య మిత్రత్వం, శత్రుత్వం ఉంటాయా? వీటికి రాగ ద్వేషాలు ఉన్నాయా?

05) నవ గ్రహాల శాంతి కొరకు గ్రహ దానం, జపములు, పూజలు చేస్తే వాటి శక్తి/ బలం తగ్గించటం, జాతకాన్ని సరి చేయటం వాస్తవమేనా?

06) నవగ్రహ పూజలు చేసేవారు గ్రహాలను నేటి వైజ్ఞానికుల అభిప్రాయాలతో ఎకిభవిస్తారా?

07) నవ రత్నాలకు, నవ గ్రహాలకు ఉన్న సంభంధం ఏమిటి?

08) అంకెలకు ఈ గ్రహాలతో ఏమైనా లంకె ఉన్నదా?

09) గ్రహాలకు - బ్రాహ్మణ,క్షత్రియ, వైశ్య, శూద్ర కులాలకు ఏమిటి సంభంధం?

జ్యోతిష్యం పై పెద్దలేమన్నారు? పార్ట్ 2

2010-06-25T04:43:00.000-07:00

"ఎవరో చెప్పారనో ..వెనకటి నుండి వస్తున్న ఆచారమనో,లేక నీ అంతటకు నీవే ఉహించుకునో ఎ విషయాన్ని గుడ్డిగా నమ్మకు. గురువు పై నమ్మకం ఉన్నా కుడా , ఆయన చెప్పిన విషయాలు మూడంగా ఆచరించకు. సూక్ష్మం గా పరిశీలించి, క్షుణ్ణంగా విశ్లేషించి సర్వ మానవాళి కి శ్రేయస్సును కాక్షించే సూత్రాన్ని మాత్రమే విశ్వసించు. దానినే పాటించు. అదే మార్గంలో పయనించు." --- గౌతమ బుద్ద

"జ్యోతిష్యం పై పెద్దలేమన్నారు " అనే వ్యాసంలో నేను ఉదహరించిన పెద్దల పలుకులకు ఆధారాలను గురించి చెప్పమని కొంతమంది కామెంట్స్ లో రాసారు. అలాగే నేను కొంతమంది ఆస్తిక ప్రముఖుల అభిప్రాయాన్ని ప్రస్తావించటం కుడా వారికి నచ్చినట్లు లేదు. అందుకే బుద్దుని పై పలుకులు ఇక్కడ మరో సారి మనం చేసుకొని అసలు విషయానికి వద్దాము. జ్యోతిష్యం ఆస్తిక వాదానికి వేతిరేకమని, అది దైవాన్ని, కర్మ సిద్దాంతాన్ని తప్పు గా చేపుతుందన్న ఆస్తిక ప్రముఖులు మాటలను ఉదాహరించటం జరిగింది. ఇది ఆస్తిక ముసుగులో దాగిఉన్న మూఢ విశ్వాసమని స్వామి వివేకానంద, స్వామి దయానంద ల ఉవాచ. దీనిపై భిన్నాభిప్రాయాలు ఉంటే ... జ్యోతిష్యం ఆస్తికత్వంలో బాగం గా మీరు చెప్పండి.
స్వామి వివేకానంద వచనాలను ." MAN THE MAKER OF HIS DESTINY" అనే వ్యాసం నుండి తీసుకోవటం జరిగింది
The comlete works of Swami Vivekananda, Vol.Viii,
Advaitha Ashram,calcutta .
స్వామి దయానంద వచనాలు వారిచే 1885 లో రాయబడిన "సత్యార్ధ ప్రకాశిక" లోనివి.ఒక ప్రకరణం అంతా జ్యోతిష్యాన్ని గురించి రాసారు. దానిలో ఇంకా గ్రహాలూ వాటి ప్రస్నాన్నత ల గురించి కుడా ఉంది.పండిత గోపదెవ్ గారిచే తెలుగులో అనువదించబడిన ఈ గ్రంధం ఆర్య సమాజం వారి వద్ద లభిస్తుంది. చూడగలరు.
బుద్దవచనాలు - పుట్టపర్తి నారాయణా చార్యులు, ఆనంద బుద్ద విహార ట్రస్ట్.హైదరాబాద్

జ్యోతిష్యం గురించి పెద్దలేమన్నారు?

2010-06-21T22:14:00.000-07:00

"భ్రమలతో నక్షత్రాల కేసి చూడడం, జాతకాలను నమ్మడం,ఏవో గుర్తులను బట్టి రాబోయే ఘటనల్ని చెప్పటం,మంచి చెడ్డలను గురించి జ్యోస్యాలు చెప్పటం ... ఇవన్ని నిషిద్దాలు "- గౌతమ బుద్దుడు
"ఎప్పుడు నక్షత్రాల వంక చూసేవారికి అర్ధం (ధనం) దరిచేరదు.కార్య సూరులకు అర్ధమే కదా నక్షత్రాలు "- చాణక్యుడు (అర్ద శాస్త్రం)

" జ్యోతిష్కులు శార్దకర్మలలో జరిగే పంతి భోజనానికి అనర్హులు " - మను స్మృతి

"రాబోయే పరిణామాలను గురించి జ్యోస్యం చెప్పటమంటే దైవాధికారాన్ని తోసిపుచ్చాటము, ప్రభుత్వ చట్టాలను దిక్కరించాటమే" - ఆండ్రూబోర్డే (1545)

"తాము ఆడే నూరు అబద్దాల మధ్య (జ్యోస్యాలు) అప్పుడప్పుడు ఒక సత్యాన్ని వెల్లడించినందులకు ఈజ్యోతిష్కులు ఎంతగా అనందపదతారో! అలాగే ఇతరులు నూరు సత్యాలు చెప్పి ఒక అసత్యం పలికితే చాలు వీరి దృష్టిలో వారు నిజాయితి కోల్పోయినట్లే లెక్క."

-ఫ్రానిస్కోగుసియార్దిని (క్రైస్తవ మతాచారుడు-1483-1540)

జ్యోతిష్కులు - వీరిదొక వింత జాతి, ఎంతటివారినైనా వీరుమోసగించగలరు. ఇక అమాయకులను దగాచేయటం లో వింతేముంది? ఎన్ని ఆంక్షలు పెట్టినా వీరి ప్రభావం సడలదు - తాపిటస్ (రోమన్ చరిత్రకారుడు)

"జ్యోతిష్యం ఒక విజ్ఞానమని,సత్య విషయమని పోపులు (పురోహిత వర్గం) వారి విశ్వాసం.వీరు చెప్పేవి అధ్యయనం చేసినపుడు ఇవి సారాహినమని, విజ్ఞాన విరుద్దమని స్పష్టమగును.ఇవి కేవలం అమాయకులను వంచన చేయటానికి ఉపయోగపడే క్రియలు మాత్రమే." - స్వామి దయానంద

జ్యోతిష్యం ... ఇంకా ఇలాంటి మార్మిక విషయాలను నమ్మటం బలహీన పడ్డ మనసుకు చిహ్నం. ఇలాంటి వాటితో సతమత పడేవారు మంచి వైద్యుడిని సంప్రదించి తగిన మందులు వాడాలి. దీనితో పాటు మంచి ఆహారం తీసుకుంటూ విశ్రాంతి తీసుకోవాలి." - స్వామి వివేకాంద

శాస్త్రమునేల్ల జదివి విజ్ఞాన మెరిగి
సంశయింపక సర్వధా చర్చ జేసి
నిజ మెరుంగ వలయు నిదినేర్వకున్న
మూడ విశ్వాసమున జేటు మూడుచుండు !

అని కవిరాజు త్రిపురనేని రామస్వామి గారు చాల చక్కగా మూడ విశ్వాసాలు ఎలా ఏర్పడతాయో చెప్పారు. కాబట్టి ఈ జ్యోతిష్య శాస్త్రాన్ని నిశితంగా పరిశీలించవలిసినిదిగా విశ్వాసులకు/ అవిశ్వాసులకు విజ్ఞప్తి.

జ్యోతిష్యం ప్రసాదించే యోగాలు ఏమిటి ? ( పార్ట్-2 )

2010-06-20T21:31:00.000-07:00

సంతాన యోగం:

జాతక ఫలాలలో ఇది ఒక ముఖ్య అంశం.

దంపతులలో పురుషుని జాతక రీత్యా అతనికి కలగబోయే సంతానం గురించి చెపుతారా?అతని బార్య జాతక ఫలం చూసి చెపుతారా? బార్యా భర్తల ఇద్దరి జాతకాలలో ఒకే విధమైన సంతాన యోగంఉంటుందా? అలా లేకపోతే సంతానం ఎలా లెక్కిస్తారు?

కుటుంభ నియంత్రణ పాటించే దంపతుల మాటేమిటి? అలాగే వైద్యుల సలహాలతో పిల్లలను కనేవారి జాతకాలు ఎలా ఉంటాయో చెప్పగలరా?
బహు బార్యలు గల వ్యక్తి కి ఎ బార్య ద్వారా ఎంత మంది సంతానం కలుగుతుందో నిర్దారించ గలరా?
జాతకాన్ని బట్టి ఒకనికి పుట్టే మొదటి బిడ్డ ఆడో, మగో కచ్చితంగా చెప్పగలరా?

జీవన యోగం: (ఆయు ప్రమాణం)
పుట్టిన ప్రతి ప్రాణి గిట్టక మానదు. అయితే అది ఎంత కాలమనేది అనేక పరిస్థితులను బట్టి ఉంటుంది. ఒక దేశం లో మనుషుల సగటు ఆయు ప్రమాణం ఆ దేశ జీవన ప్రమాణాలపై ఆధార పడి ఉంటుందనేది శాస్త్రీయంగా చెప్పబడిన విషయం. ఈవిషయంలో జ్యోతిష్య విద్య ఏమి అంటుందో తెలుసుకోవాలి.
జాతకుని ఆయు ప్రమాణం ఎలా లెక్కిస్తారు? మన దేశంలో సగటు ఆయు ప్రమాణం పెరగటానికి గ్రహాలకు ఏమైనా సంబంధం ఉందా?
భుకంపాలలో,వరదలు,లేదా ఏదైనా పకృతి వైపరిత్యాలు జరిగినప్పుడు దానిలో మరణించే వారందరి ఆయు ప్రమాణం తీరే రోజు ఒకటేనా? అలాగే రోడ్డు ప్రమాదాలు వంటి వాటిలో చావు వచ్చిన వారందరికీ మరణ శాసనం ముందే జాతకం లో రాసి పెట్టబడి ఉంటుందా?

సంసార యోగం:
ఒక న్యక్తి సంసారి అవుతాడా లేక సన్యాసి అవుతాడా అని కుడా జాతకం లో ఉంటుందని చెప్పే వారు ఈనాడు ఊరు, వాడా పుట్టుకు వస్తున్నా దొంగ సన్నాసులను పరిశీలించి వారికి సన్యాస యోగం ఉందొ లేదో చెప్పితే మనకి నిత్యానంద స్వాముల బెడద తప్పుతుంది కదా!
(సతేషం)

జ్యోతిష్యం ప్రసాదించే యోగాలు ఏమిటి ?

2010-06-18T21:40:00.000-07:00

జ్యోతిష్యం లో ఫలితాలు చెప్పేటప్పుడు జాతకునికి రకరకాల యోగాలు వస్తాయని లేదా నడుస్తున్నాయని చెపుతారు. వాటిని కొద్దిగా పట్టి చూద్దాం.

వాహన యోగం :
పూర్వం కాలి నడకన ప్రయాణం చేసే జనానికి గుర్రమో,గాడిదో లభిస్తే ,లేదా రాజు గారి కొలువులో వాహనాల పై తిరిగే నౌకరి దొరికితేనో వచ్చేదే ఈ వాహన యోగం. ఈ నాడు ప్రతి వారు స్వంతంగా సైకిలో,బైకో,కారో కొనుక్కుంటున్నారు. లేదా అద్దెకో, అరువుకో వాహనాల పై ప్రయాణించేవారు, బస్సులోనో,రైలులోనో, విమానం లోనో వెళ్ళే వారందరికీ గ్రహాలూ వాహన యోగం చాల ఉదారంగా ప్రసాదిస్తునాయన్న మాట. నిజానికి మనుషులందరికీ వాహన యోగం ప్రసాదించినది ఈనాడు మనం సంపార్జించిన సాంకేతిక విజ్ఞామే కాని గ్రహాల దయ ఏమి లేదన్నది మనం అంగికరించ వలిసిన పచ్చి నిజం. జ్యోతిష్యం చెప్పే వాహన యోగం మరి ఈ నాడు ఎలా అన్వహిస్తుందో దైవజ్ఞులు సెలవియ్యాలి.

ప్రవాస యోగం :
ఉన్న ఊరిలొ బతకలేక ,కస్టాలు పడలేక బార్య బిడ్డలను, కుటుంభాన్ని వదిలి పరదేశాలకు వెళ్ళే దౌర్బాగ్య స్థితిని జ్యోతిష్యం లో ప్రవాస యోగం గా చెప్పబడినది. ఆనాడు మన దేశం చిన్న చిన్న రాజ్యాలుగా ఉండేది. ఇల్లు వదిలి బ్రతుకు తెరువుకు ప్రక్క రాజ్యానికి పోవటం ఆనాడు ప్రవాస యోగం గా చెప్పబడితే మరి ఈనాడు ఉద్యోగానికో, చదువుకో, వ్యాపారానికో ఇల్లు వదలటం చాల మామూలు విషయం. అద్దంకి సీమ నుండి హైదరాబాదు పోవటం వారి ప్రవాస యోగం గా తీసుకోవాలా లేదా వారి గ్రహచారం బాగోలేదనుకోవాలా? మరి ఈ లెక్కన అమెరికాలో స్థిర పడినవారి గురించి గ్రహాలూ ఏమి చెపుతాయి?

వివాహ యోగం :
అమ్మాయికి ఈడు రాకముందే (9/10 సంవత్సరాలు రాకముందే),అబ్బాయికి యుక్త వయస్సు దాటాక ముందే (16/18 సంవత్సరాలు దాటాక ముందే) పెళ్లి జరగాలి. దీనిలో ఆలస్యం అయితే దానికి గ్రహాలూ కారణం గా ఆనాడు జ్యోతిష్యం భావించింది. చదువుల వల్ల, ఉద్యోగాల వల్ల ఈనాడు యువతీ యువకులకు వివాహం 24-30 ఏళ్ళమధ్యలో జరుగుతున్నాయి. మరి ఈవిషయంలో గ్రహ గతులలో ఏమైనా తేడాలు వచ్చాయా? అనేక కారణాల వల్ల విడాకులు తీసుకునే జంటలు పెరిగి పోయాయని గణాంకాలు చెపుతున్నాయి. దీనికి గ్రహాలకు ఏమైనా లింకు ఉందా? దైవజ్ఞ శిఖామణులు వివరించాలి.

రాజ యోగం:
ఆనాడు రాజ యోగం అంటే ఏమిటి? రాజు గా పట్టాభిషిక్తుడిగా అవటమా లేక రాజు గారు అనుభవించే సౌకర్యాలను పొందటమా ? మరి ఈనాడు దేశం లో ఉన్న M.P.,M.L.A./M.L.C. లు మంత్రులు ,ప్రజా ప్రతినిధులు... వీరందరికీ రాజ యోగం ఉన్నట్లేనా? ఎన్నికలో ఓడిపోతే రాజయోగం పోయినట్లేనా? రాజ యోగం ఈనాడు కేవలం రాజకీయ నాయుకులకేనా? రాజ యోగం లేనివారు ప్రజా ప్రతినిధులు కాలేరా? అల్లాగే రాజ భోగం అనుభవించే అధికారుల మాటేమిటి?

ఇదేవిధం గా జ్యోతిష్యం లో మరికొన్ని యోగాలు చెప్పబడినాయి వాటిని గమనించండి.
స్త్రీ సాంగిత్యయోగం, విందు భోజన యోగం, కలహా యోగం, ధన యోగం... వంటి వాటిలో అవౌచిత్యం ఎంతో విజ్ఞులు తేల్చాలి.
మరి కొన్ని విషయాలతో మలి టపా...

జ్యోతిష్యం-నా ఆలోచనలు (పార్ట్2)

2010-06-18T02:00:00.000-07:00

6.సిద్దాంత భాగంలో తప్పు ఉంటె ఫలితభాగం ఒప్పు ఎలా అవుతుందో చెప్పగలరా?

ఎ శాస్త్రం లో అయినా సిద్దాంత భాగం లో లోపం లేకుంటేనే దానికి సంబందించిన పలితాలు సరిగా ఉంటాయి. సిద్దాంత భాగం లోనే దోషం ఉంటె ,ఆ సిద్దాంతాన్ని ఉపయోగించి సాధించే ఫలితాలు ఎట్టిపరిస్థితులలోను సరైనవి కావు,కానేరవు. మరి జ్యోతిష్యం యొక్క మూల సిద్ధాంతం 'భూకేంద్రక సిద్దాంతం' . ఇది తప్పు అని ఏనాడో రుజువు చేయబడినది. అలాగే చంద్రుడు భూమి కి ఉప గ్రహం గా, రాహువు,కేతువులు మిధ్య అని అందరు అంగీకరించిన విషయమే. క్రొత్తగా యురేనస్, నేప్తున్ ,ప్లూటో వంటి గ్రహాలూ, చాల గ్రహ శకలాలు మన సూర్య కుటుంభం లోనే ఉన్నట్లు తెలుసుకున్నాం. కాబట్టి పాత సిద్దాంతం తప్పుల మయంఅయితే దాని ఆధారం గా గణన చేసే జాతకాలు ఒప్పు ఎలా అవుతాయి?

7.ఖగోళ విద్యకు జ్యోతిష్యానికి బేధం ఉందా? లేదా?
కచ్చితమైన భేదం ఉంది. విశ్వం గురించి పరిశోధించి సత్య శోధనకు ఉపకరించే శాస్త్రమే ఖగోళ శాస్త్రం. నేల విడిచి నింగిని పట్టుకొని,అబద్దాలతో,ఉహాగానాలతో మనుషులను మభ్య పెట్టె విద్యే ఈ జ్యోతిష్యం. నిజానికి ఖగోళ శాస్త్రానికి పుట్టిన కుక్కమూతి పిందే ఈ జ్యోతిష్యం. గ్రహణాలు గురించి చెప్పటం, జ్యోతిష్యాన్ని చెప్పటం ఒకటి కాదు. ఇంచు మించు ప్రతి 19 ఏళ్ళ ఒక సారి ఈ గ్రహణాలు తిరిగి వస్తుంటాయి.

8.జ్యోతిష్య గ్రంధాలను బట్టి ఫలితాలను చెప్పినప్పుడు అవి సరిపోతే జ్యోతిష్యం గొప్ప అని, సరిపోకపోతే జ్యోతిష్యం చెప్పేవాడు తప్పు అని చెప్పటం సబబేనా?
నిజానికి జ్యోతిష్యం మాత్రమే దోష పురితమైనది.ఒక్కో సారి జ్యోతిష్యుని ఉహాలు నిజమై అవకాసం ఉండొచ్చు. ఇది కేవలం సంభావ్యతా సూత్రాలను బట్టి జరగవచ్చు. రెండు రెళ్ళు నాలుగు. కాని రెండు రెళ్ళు ఆరు అనే సిద్ధాంతం స్వీకరించి లెక్కలు చేస్తే అవి ఒప్పు ఎలా అవుతాయి? కాబట్టి జ్యోస్యం లెక్కలు తప్పు కావు. వాటినిబట్టి ఉహించె జాతకాలే తప్పు.కాస్తో,కూస్తో లెక్కలు వచ్చిన ప్రతి వాడు జాతక చక్రం లో తప్పు లేకుండాఫలితాలు రాయగలడు. అవి సరిపోతాయా లేదా అన్నది వారి చేతులలో లేని విషయం. ఇది తెలియక క్రెడిట్అంతా జ్యోతిష్య శాస్త్రానికి ముడి వేస్తున్నారు.

9.జ్యోతిష్యం ప్రాధమికంగా దైవ వాదానికి ,మత విశ్వాసాలకు వెతిరేకం కాదా?

జ్యోతిష్యం నిజమైతే కర్మ సిద్ధాంతం తప్పు అవుతుంది. గ్రహ బలం నిజమైతే దైవ బలంసున్యమావుతుంది. అందుకే వివేకానందడు ,దయానందుడు, పోపు వంటి మత పెద్దలు దీన్నితీవ్రంగా వెతిరేకించారు. కాని నేడు ఆస్తికత్వం పేరుతో జోతిష్యాన్ని బుజాల కెత్తుకు తిరిగేవారు ఎక్కువ అయ్యారు. దీన్ని మూఢ విశ్వాసానికి చిహ్నంగా కాక ఆస్తిక నాస్తిక సంవాదంగా చిత్రికరించారు.

10.చిలక జోస్యం, సోది,పస్తి, అంజనం, శకునం,పలుకు వంటి వాటితో జ్యోతిష్యం ఎకిభావిస్తున్నదా? లేదా?

రాతలు రాజ్యం ఏలమంటే ... గ్రహచారం గాడిదలు కాయమని చెప్పిందని సామెత.
ఎవరి జ్యోస్యం వారిదే. నమ్మేవారిని బట్టి నలుగు పెడతారు.

మరికొన్ని విషయాలతో మరో టపా...

జ్యోతిష్యం-నా ఆలోచనలు

2010-06-17T02:18:00.000-07:00

జ్యోతిష్యం పై నేను లేవనెత్తిన ప్రతి ప్రశ్న(సందేహాలకు) కు ముందుగా నా అభిప్రాయాలు మీతో పంచుకుంటాను.
1. జ్యోతిషం మనుషులకేనా,పశు పక్షాదులకు కుడా చెప్పగలరా?
గ్రహాల ప్రభావం ఈ భూమండలం పై జీవించే ప్రతి ప్రాణి పై ఉంటుందనే జ్యోతిష్య సిద్దాంతం నిజమైతే జాతక చక్రం మనుషులతో పాటు సమస్త జీవ కోటికి ఉండాలి. ప్రతి జీవి తన జన్మ కాలాన్ని బట్టి తన జాతకాన్ని కలిగి ఉండాలి. మరి ఏనాడు ఈ దైవజ్ఞులు మనుషులకు తప్పా ఇతర జీవ జాలానికి జాతక చక్రం రాసిన దాఖలాలు లేవు. పశు పక్షాదుల జనన కాలాన్ని బట్టి వాటి కష్టసుఖాలు, ఆయుషు .... వంటి వాటిని అంచనా వేసి చెప్పే పద్ధతి ఈ శాస్త్రంలో రాయబడ లేదు. బహుశ మనుషులకు తప్పా మిగిలిన జీవాలకు వాటి అవసరం బొత్తిగా లేదనుకుంటా. వాటికి జాతక చక్రం వేసినందువల్ల గిట్టుబాటు కుడా ఉండదు. జ్యోతిష్యం లో అపార పరిశోధనలు చేసేవారు ఈ విషయంలో వేలు ఎందుకు పెట్టలేదో మరి? చేతనైతే ఏదో ఒక జంతువుకు / జీవికి జాతక చక్రం రాసి అది నిజమని నిరూపించాలి.లేదా పశు పక్షాదులకు జ్యోతిష్యం వర్తించదని ఒప్పుకోవాలి. అలా ఒప్పుకుంటే గ్రహాల ప్రభావం కేవలం మనుషులకేనని చెప్పాలి. ఏమంటారు?

2.జాతకాన్ని లెక్కించే దానికి సరైన సమయం ఎలా చెబుతారు?
జ్యోతిష్యం కేవలం మనుషులకే ననుకుంటే జాతకాన్ని లెక్కించే దానికి సరైన సమయం ఎలాచెబుతారు అన్నది చాల ముఖ్యమైన విషయం. జనన సమయం లో ఏకొద్దితేడా ఉన్నా జాతకం తారుమారు అవుతుందనే ప్రధాన సూత్రాన్ని బట్టి ఖచ్చితమైన సమయ నిర్దారణ చేయాలి కదా? ఈ సమయం గర్భ ధారణా సమయమా? లేక భూపతన సమయమా? లేక ప్రధమ రోదన సమయమా?
అ) గర్భ ధారణా సమయం అయితే దాన్ని ఎలా లెక్కిస్తారు? స్త్రీ,పురుష ఆండాల కలయక కచ్చతంగా ఫలానా సమయం అని చెప్పటం వీలు పడదు కాబట్టి ఉజ్జాయిపు సమయాన్నే పరిగణలోకి తీసుకోవాలి. అంటే జనన సమయం లో తేడా ఉన్నా జాతక చక్రం గ్రహాల ఫలితాలు సరిపోతాయా?
ఆ) కాదు/లేదు అనేవారు ,శిశు భూపతన సమయం పరిగణ లోకి తీసుకుంటే, ఆ సమయాన్ని ఎవరు నమోదు చేస్తారు? మంత్రసానా? లేక ప్రధమ రోదన విన్న బయట ఉన్న దైవజ్ఞలా? వీటిలో ఏది సరైనదో చెప్పగలరా? అలాగే శిశు జననాన్నిలెక్కలోకి తీసుకుంటే శిశువు గర్బంలో ఉన్న సమయం లో గ్రహాల ప్రభావం ఏమైయింది? గర్బం లో ఉన్న శిశువుకి ప్రాణం ఉంది కదా?
సమయ నిర్ణయం లో చాలా తేడాలు వచ్చే అవకాశాలు ఉన్నాయి కాబట్టి దానికి కొంచెం మినహాయిపులు ఏమైనా ఉన్నాయా?
సిజేరియన్ చేసి మంచి జాతక శిశువుని పుట్టించ వచ్చా?

3.జనన సమయాన్ని బట్టి ఆ జాతకుడు ఆడో,మగో చెప్పి ఖచ్చితమైన లింగనిద్దారణ చేయగలరా?
కేవలం జనన సమయాన్ని బట్టి ఆ శిశువు ఆడో,మగో తేల్చి చెప్పటం అసాధ్యం.
పుట్టిన బిడ్డ యొక్క లింగ నిద్దారణ కుడా చేయలేని 'శాస్త్రం' భూత,వర్తమాన,భవిషత్తు లు ఏలా చెప్పగలదు?

4.జాతక చక్రం ఆడ,మగ,మరి ఏదైనా జీవికికుడా ఒక్కటేనా?
పైన ఉన్న ప్రశ్నలకు వచ్చే సమాధానాన్ని బట్టి దీనికి జవాబు వస్తుంది కదా!
ఆడ వారికి, మగ వారికి వేరు వేరు జాతక చక్రాలు ఉన్నాయను కుంటే ... గ్రహ గతులలో మార్పు ఏలా వస్తుంది?
5.పకృతి వ్యైపరిత్యాలను ముందుగా సూచించే పక్రియ జ్యోతిష్యం లో సాధ్యమేనా? అయితే వాటిని శాస్త్రీయ పద్దతిలో రుజువు చేయగలరా?
ఈ మధ్య భుకంపాలును,ఆ మధ్య వరదలను ,మధ్య మధ్యలో సునామీలను, తుపానులను ముందుగా తెలిపామని చెప్పేవారు దీనికి సమాధానం ఇస్తే బాగుంటుంది.

మిగిలిన ప్రశ్నలకు వివరణ మరో టపాలో...